விமானத்தில் இருந்து இறக்கிவிடப்பட்ட விஜய் பட வில்லன் நடிகர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

12 டிச, 2022 - 07:16 IST

எழுத்தின் அளவு:

Vijay-movie-villain-actor-who-was-dropped-from-the-flight

இந்த வருடம் விஜய் நடிப்பில் வெளியான பீஸ்ட் படத்தில் வில்லன்களில் ஒருவராக நடித்திருந்தவர் மலையாள இளம் நடிகர் ஷைன் டாம் சாக்கோ. மலையாளத்தில் குணச்சித்திர மற்றும் வில்லன் கதாபாத்திரங்களில் நடித்து வரும் இவர் சில படங்களில் கதாநாயகனாகவும் நடித்து வருகிறார். அந்த வகையில் பீஸ்ட் படத்தில் தன்னை டம்மி ஆக்கி விட்டதாக ஒரு பேட்டியில் கூட குற்றம் சாட்டியவர், பின்னர் அப்படி கூறியதற்காக வருத்தமும் தெரிவித்திருந்தார்.

இந்த நிலையில் தற்போது அவர் நடித்துள்ள பாரத சர்க்கஸ் படம் கடந்த வெள்ளியன்று வெளியானது. இந்த படத்தின் புரமோஷன் நிகழ்ச்சிக்காக துபாய் சென்றுவிட்டு திரும்பும்போது விமானத்தில் ஏறிய ஷைன் டாம் சாக்கோ விமானிகள் அறையில் என அழைக்கப்படும் காக்பிட் பகுதிக்குள் நுழைய முயற்சி செய்திருக்கிறார். இவரது இந்த நடவடிக்கை அத்துமீறலாக கருதப்பட்டு விமானத்தில் இருந்து இறக்கி விடப்பட்டுள்ளார்.

அதன் பின்னர் விமான நிலைய அதிகாரிகளின் விசாரணைக்கு ஆளான சாக்கோ, அங்கிருந்த மருத்துவமனையில் பரிசோதனைக்கும் உட்படுத்தப் பட்டார் என்று சொல்லப்படுகிறது. சில மணி நேர விசாரணைக்குப் பிறகு அவரும், அவருடன் வந்திருந்த அவரது குடும்பத்தினரும் வேறு ஒரு விமானத்தில் கேரளாவிற்கு செல்ல அனுமதிக்கப்பட்டனர். நடிகர் விமானத்திலிருந்து இறக்கி விடப்பட்ட நிகழ்வு மலையாள திரையுலகில் பரபரப்பை ஏற்படுத்தியுள்ளது.

Tomshinechacko

கருத்துகள் (0) கருத்தைப் பதிவு செய்ய

கன்னட நடிகர் அபிஷேக் திருமணம் : ஆடை ...

இயக்குனர் குணசேகர் மகள் திருமண ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய