Dinamalar

சங்கராந்தி வெளியீட்டை உறுதி செய்த வீர சிம்ஹா ரெட்டி

தமிழ்நாட்டில் பொங்கல் பண்டிகை போன்று ஆந்திரா, தெலுங்கானாவில் ஜனவரி 12ம் தேதி வரும் சங்கராந்தி பண்டிகை முக்கியமானது. இந்த பண்டிகை தினத்தன்று சிரஞ்சீவி நடித்த வால்டர் வீரய்யா, என்.டி.பாலகிருஷ்ணா நடித்த வீர சிம்ஹா ரெட்டி படங்கள் வெளிவருகிறது. இதோடு விஜய் நடித்த வாரிசு படமும் வெளிவருவதாக அறிவிக்கப்பட்டது.

இந்த நிலையில் மூன்று படங்கள் வெளிவந்தால் வசூல் பாதிக்கும் என்று கருதிய தெலுங்கு தயாரிப்பாளர் சங்கம் நேரடி தெலுங்கு படங்களுக்கே தியேட்டர்கள் ஒதுக்க வேண்டும் என்றது. இந்த நிலையில் விஜய் படத்திற்கு வழிவிட்டு வீர சிம்ஹா ரெட்டி விலகி கொள்வதாக தகவல்கள் வெளியானது. ஆனால் தற்போது வீர சிம்ஹா ரெட்டியின் சங்கராந்தி வெளியீடு உறுதியாகி உள்ளது.

இந்த படத்தை மைத்ரி மூவி மேக்கர்ஸ் தயாரித்துள்ளது. கோபிசந்த் மலினேனி இயக்கி உள்ளார். தமன் இசை அமைத்துள்ளார். நந்தமூரி பாலகிருஷ்ணா ஜோடியாக ஸ்ருதிஹாசன் நடித்திருக்கிறார். இவர்களுடன் துனியா விஜய், வரலட்சுமி சரத்குமார் உள்ளிட்ட பலர் நடித்திருக்கிறார்கள். ரிஷி பஞ்சாபி ஒளிப்பதிவு செய்திருக்கும் இந்த திரைப்படத்திற்கு, பிரபல எழுத்தாளர் சாய் மாதவ் புர்ரா வசனங்களை எழுதி இருக்கிறார்.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  'காந்தாரா' நடிகைக்கு ஆதரவாக குரல் கொடுத்த சிவராஜ்குமார்
• 
  'உஸ்தாத் பகத்சிங்' படத்திற்கு சம்பளத்தை கணிசமாக குறைத்த பவன் கல்யாண்
• 
  கலாபவன் மணியின் கனவை நனவாக்கிய மகள்
• 
  பேட்ரியாட் படத்தை திரையிடுவதில் கேரள திரையரங்குகள் திடீர் போர்க்கொடி
• 
  மீண்டும் சிரஞ்சீவி படத்திற்கு இசையமைக்கும் தமன்!