காந்தாரா நடிகைக்கு ஆதரவாக குரல் கொடுத்த சிவராஜ்குமார் - Sivarajkumar voiced his support for the Kantara actress

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

'காந்தாரா' நடிகைக்கு ஆதரவாக குரல் கொடுத்த சிவராஜ்குமார்

08 மார், 2026 - 11:04 IST

எழுத்தின் அளவு:

கன்னடத்தில் ரிஷப் ஷெட்டி இயக்கத்தில் வெளியான 'காந்தாரா' படத்தில் கதாநாயகியாக நடித்தவர் சப்தமி கவுடா. இந்த படத்தில் இவரது நடிப்பு ரசிகர்களால் மிகவும் பாராட்டப்பட்டது. இதைத் தொடர்ந்து ஹிந்தி மற்றும் தெலுங்கு படங்களிலும் கூட நடித்து வருகிறார் சப்தமி கவுடா. சமீபத்தில் இவர், “பல விழாக்களுக்கு நடிகைகள் வருகை தரும்போது சில புகைப்படக்காரர்கள் தேவையில்லாத ஆபாசமான கோணத்தில் புகைப்படங்களை எடுத்து அவற்றை சோசியல் மீடியாவில் வெளியிட்டு வருகின்றனர். நாங்களும் பெண்கள் தான்.. நடிப்பு எங்களுக்கு ஒரு தொழில்.. எங்கள் கலையை விட எங்கள் உடல்களுக்கு முக்கியத்துவம் கொடுப்பது மீண்டும் மீண்டும் நிகழ்கிறது. இது வெட்கக்கேடானது. இது ஏற்றுக் கொள்ளவும் முடியாதது. எங்களுக்கும் அடிப்படை மரியாதை கிடைக்க வேண்டும் என்று எதிர்பார்க்கிறோம்” எனக் கூறியிருந்தார்.

இந்த நிலையில் கன்னட திரையுலகின் முன்னணி நடிகரான சிவராஜ் குமார், சப்தமி கவுடாவின் கருத்துக்கு ஆதரவாக தனது குரலை பதிவு செய்துள்ளார்.

இது குறித்து அவர் தனது சோசியல் மீடியா பக்கத்தில் வெளியிட்டுள்ள பதிவில், “நடிகர்கள் ஒன்றும் பொருட்கள் அல்ல.. இன்றும் கூட பெண்களுக்கு மரியாதை கொடுங்கள் என்று மக்களிடம் சொல்ல வேண்டிய துரதிஷ்டமான நிலை தான் இருக்கிறது. தயவுசெய்து எந்த விதத்திலும் சமரசப்படுத்திக் கொள்ளாத வகையில் பெண்களுக்கான மரியாதையை உறுதி செய்யுங்கள்” என்று கூறியுள்ளார்.

Sivarajkumar

Kantara

Sapthami Gowda

சிவராஜ்குமார்

காந்தாரா

சப்தமி கவுடா

கருத்துகள் (0) கருத்தைப் பதிவு செய்ய

'உஸ்தாத் பகத்சிங்' படத்திற்கு ...

'மஞ்சும்மேல் பாய்ஸ்' ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய