Dinamalar

உயரே சென்றாலும் உதவியவர்களை மறக்காதே: கென் கருணாஸிற்கு தனுஷ் அறிவுரை

நடிகர் கருணாஸின் மகன், கென் கருணாஸ் இயக்கி நடித்திருக்கும் படம் 'யூத்'. மார்ச் 19ல் ரிலீசாகிறது. இப்பட விழாவில் சிறப்பு விருந்தினர்களாக நடிகர் தனுஷ், இயக்குனர் வெற்றிமாறன் உள்ளிட்டோர் கலந்து கொண்டனர். விழாவில் தனுஷ் பேசியதாவது: யூத் படம் அடைகிற வெற்றி அனைத்தும் படத்தின் தயாரிப்பாளர் கருப்பையாவிற்கு தான் சேரும். கென் அதை எப்போதும் மனதில் வைத்துக் கொள்ள வேண்டும். எவ்வளவு வெற்றி அடைந்தாலும் அவரை மறக்க கூடாது. மற்றவர்கள் கஷ்டத்தில் பங்கெடுத்துக் கொள்ள வேண்டும் என்று நினைக்கிற மனது, பெற்றோர்கள் வளர்ப்பில்தான் உள்ளது.

எல்லார்கிட்டையும் எல்லாம் இருக்கும், ஆனால் கொடுக்க மனம் வராது. நட்பை வார்த்தையில் வைக்காமல் மனதில் வைப்பது நல்லது. 'துள்ளுவதோ இளமை' படத்திற்கு யுவன் சங்கர் ராஜா எப்படி விலாசமாக இருந்தாரோ, அப்படி இந்த படத்திற்கு ஜிவி பிரகாஷ் விலாசமாக உள்ளார். இசையால் படம் பேசப்படுகிறது.

'அசுரன்' படத்தில் சிதம்பரம் நம்ம கிட்ட இருந்து படிப்பை மட்டும் எடுத்துக்கவே முடியாதுனு சொன்னேன். ஆனால் இந்த படத்தில் கென் படிப்பை தவிர எல்லாமே பண்ணிட்டு இருக்கான். இந்த படத்தின் முதல் போஸ்டரே மூன்று பேர் பைக்ல போற மாதிரிதான் இருந்தது. சிறை படத்தில் நடித்திருந்த நடிகை அனிஷ்மா இதில் நன்றாக நடித்திருந்தார். அவருடைய சிரிப்பிற்கு நான் ரசிகன்.

கென்னை, அசுரன் திரைப்படத்தின் போட்டோஷூட்டில் தான் பார்த்தேன். அப்போதே வெற்றிமாறனை கூப்பிட்டு இந்த பையன் வேண்டாம் என்று சொல்லிவிட்டேன். உருண்டையாக பெரியதாக இருக்கிறான், அதனால் வேண்டாம் என்றேன். ஆனால் வெற்றிமாறன் அவன் சரியாக இருப்பான் என்று சொன்னார். அதன்பிறகு முதல்நாள் படப்பிடிப்பில்தான் அவனை பார்த்தேன், முதல் ஷாட்டிற்கு பிறகு அவனுக்குள் ஏதோ இருக்கிறது என்று தெரிந்தது.

நானும் கென்னும் பப்ஜி (PUBG) நண்பர்கள். முதன்முதலில் என்னிடம் படம் இயக்குகிறேன் என்று கென் சொன்னபோது நான் இப்போது வேண்டாம் இன்னும் கத்துக்கோ என்று சொன்னேன். ஆனால் என்னால் முடியும் என்று அவன் சொல்லி இன்று அதை நிரூபித்திருக்கிறான்.

2000ம் காலகட்டத்தில் நான் சினிமாவிற்கு வந்தபோது எனக்கு முன்னால் இருக்க கூடிய மூத்த நடிகர்களை பார்த்து கற்றுக்கொள்ளுங்கள் என்று சொல்வார்கள், ஆனால் இப்போது அப்படி இல்லை. இன்று வரக்கூடிய நடிகர்கள் சீக்கிரம் வாய்ப்பை பயன்படுத்திக் கொள்கிறார்கள். அப்படிப் பார்க்கும் போது 16 வயதில் சினிமா வந்தேன், நான்தான் ரொம்ப நாட்களை வீணாக்கிவிட்டேன் என்று தோன்றும்.

கென் வயதில் இருப்பவர்கள் திசை மாறி செல்வதை நானே நிறைய பார்த்திருக்கிறேன், ஆனால் கென் அதெல்லாம் எதுவுமே நினைக்காமல் அவன் பெற்றோர் கஷ்டத்தில் பங்கு கொள்ள வேண்டும் என்று நினைத்தான். கென் என்னுடைய பையன் மாதிரிலாம் இல்லை. லப்பர் பந்து பட டயலாக் மாதிரி அவன் என்னுடைய பையன் தான். இவ்வாறு தனுஷ் பேசினார்.

• செய்திகள்
• வந்த படங்கள்

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்

• 
  துரந்தர் : இரண்டு பாகங்களிலும் 1000 கோடி வசூலித்த முதல் இந்தியத் திரைப்படம்
• 
  பாலிவுட்டில் கவனம் செலுத்தும் ராஷி கண்ணா
• 
  பவிஷின் ‛லவ் ஓ லவ்' முதல்பார்வை வெளியீடு
• 
  நேரடி ஓடிடி ரிலீஸ் : விஜய் சேதுபதி நடிக்கும் காட்டான் முதல் வரிசை கட்டும் ...
• 
  ஐஸ்வர்யா ராய் பார்த்து நடிக்க ஆசைப்பட்டேன்: அபிநயா