மறக்க முடியுமா? - வசூல் ராஜா எம்.பி.பி.எஸ்.,

12 பிப், 2021 - 12:59 IST

0 கருத்துகள் கருத்தைப் பதிவு செய்ய

எழுத்தின் அளவு:

படம் : வசூல் ராஜா எம்.பி.பி.எஸ்.,
வெளியான ஆண்டு : 2004
நடிகர்கள் : கமல், சினேகா, பிரபு, பிரகாஷ்ராஜ், நாகேஷ்
இயக்கம் : சரண்
தயாரிப்பு : ஜெமினி பிலிம்ஸ்

அஜித் நடித்த அட்டகாசம் படத்தை இயக்கி கொண்டிருந்தபோது, கமல் நடிப்பில், ஜெமினி பிலிம்ஸ் தயாரிப்பில், முன்னாபாய் எம்.பி.பி.எஸ்., என்ற ஹிந்தி படத்தை ரீமேக் செய்யும் வாய்ப்பு, சரணின் கதவைத் தட்டியது. என்ன செய்வது என, சரண் தவித்தபோது, அஜித் கொடுத்த அனுமதியால், வசூல்ராஜா எம்.பி.பி.எஸ்., படத்தை இயக்கினார்.

மார்க்கெட் ராஜா எம்.பி.பி.எஸ்., தான், இப்படத்திற்கு முதலில் சூட்டப்பட்ட பெயர். ரவுடி, சவால் காரணமாக, டாக்டருக்கு படித்தால் எப்படியிருக்கும்? என்ற கேள்விக்குள், மருத்துவ துறையில் நடக்கும் அவலங்களை தோலுரித்து காட்டியிருந்தது, வசூல்ராஜா எம்.பி.பி.எஸ்., படம்.

இப்படத்தின் தலைப்புக்கு, டாக்டர்கள் எதிர்ப்பு தெரிவித்தது எல்லாம், தனிக்கதை. கமலின் அப்பா கதாபாத்திரத்திற்கு முதலில் அணுகப்பட்டவர், கே.பாலசந்தர்; அவர் மறுக்கவே, நாகேஷ் இடம் பெற்றார். பாப்பு கதாபாத்திரத்தில் முதலில் நடிக்கவிருந்தது, ஜோதிகா; பின், சினேகா உள்ளே வந்தார்.

ஜெமினி பிலிம்ஸ், முன்னாபாய் படத்தை, ஒரே நேரத்தில் தமிழில், கமல் நடிப்பில், வசூல்ராஜா; தெலுங்கில், சிரஞ்சீவி நடிப்பில், சங்கர் தாதா; கன்னடத்தில், உபேந்திரா நடிப்பில், உப்பி தாதா என, மூன்று படங்கள் தயாரித்தது. தமிழில் தான், காமெடி களைகட்டியது. அதற்கு காரணம், கிரேஸி மோகனின் வசனமும்; கமலில் டைமிங் காமெடியும் தான்.

கேரம் போர்டு, கட்டிப்பிடி வைத்தியம், கோமா நோயாளி, டென்ஷன் துப்புரவு தொழிலாளி, பிரகாஷ்ராஜின் சிரிப்பு வைத்தியம், நாகேஷ் சென்டிமென்ட், பிரபு மற்றும் கருணாஸ் காமெடி, கிரேஸி மோகனின் ஆள்மாறாட்டம் என, படத்தை நினைத்து சிலாகிக்க, நிறைய காட்சிகள் உண்டு.

பரத்வாஜ் இசையில், கலக்கப்போவது யாரு, சகலகலா டாக்டர், சீனா தானா... என, அனைத்து பாடல்களும் தாளம் போட செய்தன.

ஒவ்வொரு துறைக்கும், வசூல்ராஜா எம்.பி.பி.எஸ்., அவசியம்!

Vasoolrajambbs

Kamalhaasan

Sneha

Prabhu

Directorcharan

கருத்துகள் (0) கருத்தைப் பதிவு செய்ய

மறக்க முடியுமா? - மன்மதன்

மறக்க முடியுமா? - கில்லி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய