Dinamalar

தேசிய விருது - கங்கனா ரணவத்துக்கு பிறந்தநாள் பரிசு

2019ம் ஆண்டில் வெளிவந்த திரைப்படங்களுக்கான 67வது தேசிய திரைப்பட விருதுகள் இன்று(மார்ச் 22) அறிவிக்கப்பட்டன. தமிழ் சினிமாவிற்கு மொத்தமாக 7 விருதுகள் கிடைத்துள்ளன. சிறந்த நடிகருக்கான விருதை தனுஷ், ஹிந்தி நடிகர் மனோஜ் பாஜ்பாயுடன் பகிர்ந்து கொள்கிறார். சிறந்த நடிகைக்கான விருது ஹிந்தி நடிகை கங்கனா ரணவத்திற்குக் கிடைத்துள்ளது.

'மணிகர்ணிகா, பங்கா' ஆகிய படங்களில் சிறப்பாக நடித்ததற்காக அவருக்கு இந்த விருது கிடைத்துள்ளது. 'மணிகர்ணிகா' படத்தில் சுதந்திரப் போராட்ட வீராங்கனை ஜான்சிராணி கதாபாத்திரத்தை ஏற்று நடித்திருந்தார்.

கபடி விளையாட்டு வீராங்கனையாக இருந்து திருமணத்திற்குப் பின் குழந்தை பெற்று, ரயில்வேலைக்குச் சென்று பின் மீண்டும் எப்படி வீராங்கனையாக மாறுகிறார் என்ற கதையைக் கொண்ட 'பங்கா' படத்தில் கதாபாத்திரம் ஏற்று நடித்திருந்தார்.

இரண்டு படங்களிலுமே வித்தியாசமான கதாபாத்திரங்களில் ஏற்று நடித்திருந்த கங்கனாவின் நடிப்பை விமர்சகர்களும், ரசிகர்களும் பாராட்டி இருந்தனர். தற்போது அதற்காக தேசிய விருது கிடைத்துள்ளது.

இதற்கு முன்பு 2008ம் ஆண்டு 'பேஷன்' படத்திற்காக சிறந்த துணை நடிகைக்காகவும், 2014ம் ஆண்டு 'குயின்' படத்திற்காகவும், அடுத்து 2015ம் ஆண்டு 'தனு வெட்ஸ் மனு ரிட்டர்ன்ஸ்' படத்திற்காகவும் மூன்று முறை தேசிய விருது வென்றுள்ளார். தற்போது 4வது முறையாக தேசிய விருதை வென்றுள்ளார் கங்கனா.

நாளை(மார்ச் 23) கங்கனாவுக்கு பிறந்தநாள். இன்று அறிவிக்கப்பட்டுள்ள தேசிய விருத அவருக்கு பிறந்தநாள் பரிசாக அமைந்துள்ளது. நாளை கங்கனா நடித்துள்ள 'தலைவி' படத்தின் டிரைலர் வெளியாக உள்ளது.

• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...
• 
  மகேஷ்பாபு, ரவீனா டாண்டன் குடும்ப வாரிசுகள் அறிமுகமாகும் படத்தில் இணைந்த ...
• 
  வெப் தொடரான ராஜேஷ்குமார் நாவல்
• 
  'வாரணாசி' பட விழா செலவு 27 கோடி, ஸ்ருதிஹாசனுக்கு ஒரு கோடி

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே