ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு | இன்ஸ்டா கணக்கை டெலிட் செய்தாரா யுவன்? |
கிரிக்கெட் வீரர்களைத் திருமணம் செய்து கொள்ளும் நடிகைகள் என்பது இந்தியாவில் அடிக்கடி நடக்கும் ஒன்று. அப்படியான திருமணங்கள் பல உண்டு. ஆனால், திருமணமே செய்து கொள்ளாமல் பரபரப்பாகப் பேசப்பட்ட ஜோடி ஹிந்தி நடிகை நீனா குப்தா, மேற்கிந்திய கிரிக்கெட் அணி வீரர் விவியன் ரிச்சர்ட்ஸ்.
பல வருடங்களுக்கு முன்பு விவியன் மீது ஆசைப்பட்டு அவரைக் காதலித்தார் நீனா. ஆனால், திருமணமே செய்து கொள்ளாமல் அவர் மூலம் பெண் குழந்தை ஒன்றைப் பெற்றெடுத்தார். தற்போது நீனாவின் மகள் மசாபா குப்தா டிசைனர் ஆக இருக்கிறார்.
சமீபத்தில் தனது இன்ஸ்டாகிராம் வலைத்தளத்தில் தனது ரசிகைகளுக்கு ஒரு வேண்டுகோள் வைத்துள்ளார் நீனா. “எனது மகள் திருமணமாகாத பெற்றோருக்குப் பிறந்த காரணத்தால் மிகவும் பாதிக்கப்பட்டாள். திருமணமான ஆண்கள் மீது காதல் கொள்ள வேண்டாம். இதற்கு முன்பு நான் அப்படிச் செய்து, அதனால் பாதிக்கப்பட்டேன். அதனால் தான் இதைப் பற்றி நான் சொல்கிறேன்,” என அந்த வீடியோவில் தெரிவித்துள்ளார்.
தற்போது 61 வயதாகும் நீனா குப்தா, 13 வருடங்களுக்கு முன்பு விவேக் மெஹ்ரா என்ற ஆடிட்டரைத் திருமணம் செய்து கொண்டார். தற்போதும் ஹிந்திப் படங்களில் நடித்து வருகிறார்.