ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
சல்மான் கானையும், சர்ச்சைகளையும் பிரிக்க முடியாது என்பதைப் போல சல்மான் கானையும், 100 கோடியையும் பிரிக்கவே முடியாது என்பதுதான் தற்போதைய உண்மை. சல்மான் கான் நடித்து வெளிவரும் படங்கள் தொடர்ந்து வசூலைக் குவித்து 100 கோடி கிளப்பில் இணைந்து வருகின்றன. அந்த தொடர் சாதனையை நான்கு நாட்களுக்கு முன் வெளிவந்த 'கிக்' படமும் நிரூபித்துவிட்டதாம். முதல் நாள் வசூலிலேயே சாதனை படைத்த படம் இவ்வளவு சீக்கிரம் 100 கோடி ரூபாய் வசூலைத் தொடுவதில் ஆச்சரியம் ஒன்றுமில்லை என்கிறார்கள் பாலிவுட்டினர்.
இப்படத்தின் நாயகியாக நடித்த இலங்கையைச் சேர்ந்த ஜாக்குலின் பெர்ணான்டஸ் கூட மகிழ்ச்சியின் உச்சத்தில் இருக்கிறாராம். ஏனென்றால் அவர் நடித்து வெளிவந்த படம் 100 கோடி ரூபாய் வசூலைத் தாண்டுவது மூன்றாவது முறையாக நடந்துள்ளதாம். இதற்கு முன் ஜாக்குலின் நடித்த 'ஹவுஸ்ஃபுல் 2, ரேஸ் 2' ஆகிய படங்கள் 100 கோடி ரூபாய் வசூலைக் கடந்தன. இருந்தாலும், அந்த படங்களில் சில முன்னணி நடிகர்களுடன் ஜாக்குலினும் ஒரு நடிகையாக நடித்திருந்தார். ஆனால், இந்த 'கிக்' படத்தில்தான் ஜாக்குலின் தனி ஹீரோயினாக நடித்து வெற்றி பெற்றிருக்கிறார். இருந்தாலும் இவ்வளவு பெரிய ஒரு படத்தில் தன்னால் சிறப்பாக நடிக்க முடியுமா என்ற சந்தேகம் ஜாக்குலினுக்கு இருந்ததாம்.
“இந்த படத்தில் நாயகியாக நடிக்க நான் ஒப்பந்தமாவேன் என நிறைய பேர் எதிர்பார்க்கவேயில்லை. மற்றவர்களைப் பற்றி ஏன் சொல்ல வேண்டும், உண்மையைச் சொல்ல வேண்டும் என்றால், என்னாலேயே இப்படி ஒரு பெரிய வாய்ப்பு நமக்குக் கிடைக்குமா என்று நம்பவில்லை. என்னுடைய நடிப்பை சல்மான் கான் மிகவும் பாராட்டினார். நடிக்க ஆரம்பிக்கும் போது சல்மானிடம் ஒரு எனர்ஜி தானாக வந்து விடுகிறது. அதனால் என்னாலும் சிறப்பாக நடிக்க முடிந்தது,” என சல்மான் புகழ் பாடுகிறார் ஜாக்குலின்.
அடுத்த பட வாய்ப்பை இப்போதே வாங்கிடுவாங்க.... !