Dinamalar

மருத்துவ பரிசோதனைக்காக ரஜினி அமெரிக்கா பறந்தார் ; 3 வாரங்களுக்கு பின் தான் திரும்புவார்

சென்னை : நடிகர் ரஜினிகாந்த் சிவா இயக்கத்தில் உருவாகி வரும் அண்ணாத்த படத்தில் நடித்து முடித்துள்ளார். அண்ணாத்த படத்தின் படப்பிடிப்பு இன்னும் சில நாட்கள் மீதம் இருக்கும் நிலையில் தான் சம்பந்தப்பட்ட பணிகளை ரஜினி முடித்துக் கொடுத்து விட்டார்.

அறுவை சிகிச்சை
ரஜினிகாந்த் கடந்த 2011ஆம் ஆண்டு சிறுநீரக பிரச்சனையால் அவதிப்பட்டார். அப்போது ரஜினிக்கு சிங்கப்பூர் மருத்துவமனையில் சிறுநீரக மாற்று அறுவைச் சிகிச்சை செய்யப்பட்டது. அதன் பிறகு அமெரிக்காவில் இரண்டாவது சிறுநீரக மாற்று அறுவைச் சிகிச்சை செய்து கொண்டார். இதனைத் தொடர்ந்து குறிப்பிட்ட இடைவெளியில் அமெரிக்கா சென்று தனது உடல்நிலையை பரிசோதித்து வருகிறார். அண்ணாத்த படப்பிடிப்பை முடித்த கையோடு அவர் அமெரிக்கா செல்வதாக இருந்தது. கொரோனா தொற்றால் படப்படிப்பு பாதிக்கப்பட்டது, இந்தியர்கள் அமெரிக்கா செல்ல அந்த நாட்டு அரசு தடை விதித்தது என பல காரணங்களால் ரஜினியின் அமெரிக்கப் பயணம் தள்ளிப் போனது.

கத்தார்
வெளிநாட்டிற்கு தனி விமானத்தில் செல்ல, மத்திய அரசின் அனுமதி தேவை. ரஜினி நேரடியாக மத்திய அமைச்சர்களுடன் பேசியதையடுத்து அந்த அனுமதி கிடைத்தது. இதையடுத்து இன்று அதிகாலை ரஜினிகாந்த் மனைவி லதா ரஜினியுடன் அமெரிக்கா புறப்பட்டார். அதிகாலை 3.40 மணிக்கு கத்தார் ஏர்லைன்ஸ் பயணிகள் விமானத்தில் புறப்பட்டார். சென்னையில் இருந்து கத்தார் நாட்டு தலைநகர் தோகா செல்லும் ரஜினி அங்கிருந்து மற்றொரு விமானத்தில் அமெரிக்கா செல்கிறார்.

3 வாரங்கள்
இதற்காக ரஜினி இன்று அதிகாலை 1.15 மணி அளவில் சென்னை சர்வதேச விமான நிலைய புறப்பாடு பகுதிக்கு வந்தார். அங்கு இருந்த பத்திரிகையாளர்கள் பேட்டி எடுக்க முற்பட்டனர். ஆனால் ரஜினி யாருக்கும் பேட்டி அளிக்காமல் வணக்கம் தெரிவித்துவிட்டு சென்றார்.
அமெரிக்காவில் மருத்துவ பரிசோதனை முடிந்த பின், சுமார் 3 வாரங்கள் ஓய்வு எடுக்கவும் திட்டமிட்டுள்ளார். நடிகர் ரஜினிகாந்தின் மகள் ஐஸ்வர்யாவும், மருமகன் தனுஷும் தற்போது அமெரிக்காவில் தான் உள்ளனர். நடிகர் தனுஷ் தி கிரே மேன் எனும் ஹாலிவுட் படத்தில் நடிப்பதற்காக கடந்த பிப்ரவரி மாதமே அமெரிக்கா சென்றுவிட்டார். அவருடன் ஐஸ்வர்யாவும் சென்றார். தனுஷ் நாடு திரும்பும் நிலையில் ஐஸ்வர்யா சில நாட்கள் பெற்றோருடன் தங்க திட்டமிட்டுள்ளார்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்