Dinamalar

புத்தாண்டில் ரீ ரிலீஸ் ஆகும் சித்தார்த்தின் இன்னொரு காதல் படம்

நடிகர் சித்தார்த் நடிப்பில் கடந்த சில நாட்களுக்கு முன்பு 'மிஸ் யூ' என்கிற திரைப்படம் வெளியானது. என்.ராஜசேகர் என்பவர் இயக்கிய இந்த படத்தில் கதாநாயகியாக ஆஷிகா ரங்கநாத் நடித்திருந்தார். கடந்த பல வருடங்களாகவே காதல் படங்களுக்கு குட் பை சொல்லிவிட்டு வித்தியாசமான கதாபாத்திரங்கள், கதைகளை தேர்ந்தெடுத்து நடித்து வந்த சித்தார்த், நீண்ட நாளைக்கு பிறகு மீண்டும் நடித்த ரொமான்ஸ் படமாக இது வெளியானது.

இந்த படத்தின் கதை ரொம்பவே வித்தியாசமாக இருந்ததால் அதனால் ஈர்க்கப்பட்டு இந்த படத்தில் நடிக்க ஒப்புக்கொண்டேன் என்றும் இப்போதும் காதல் கதைகளுக்கு வரவேற்பு இருக்கிறது என்றும் கூறிய சித்தாரத் இந்த படத்தை மிக தீவிரமாக புரமோட் செய்து பேசி வந்தார்.

படம் ஓரளவுக்கு நல்ல பெயர் பெற்றாலும் சித்தார்த் எதிர்பார்த்த அளவுக்கு அவருக்கு இது வரவேற்பை தரவில்லை. இந்த நிலையில் சித்தார்த் மற்றும் (பேபி) ஷாமிலி நடிப்பில் கடந்த 2009ம் வருடம் தெலுங்கில் 'ஓய்' என்கிற படம் வெளியானது. முழுக்க முழுக்க லவ் ஸ்டோரியாக வெளியாகியிருந்த இந்த படம் கடைசியில் கதாநாயகிக்கு ஏற்படும் சோக முடிவுடன் முடிந்ததால் ரசிகர்களிடம் பெரிய அளவு வரவேற்பை பெற தவறியது.

இந்த நிலையில் தற்போது வரும் ஜனவரி 1 புத்தாண்டு தினத்தன்று இந்த படத்தை ரீ ரிலீஸ் செய்வதாக இந்த படத்தை தயாரித்த பிரபல தயாரிப்பு நிறுவனம் அறிவித்துள்ளது. இந்த நிறுவனம்தான் ஆர்ஆர்ஆர் திரைப்படத்தை தயாரித்தவர்கள் என்பது குறிப்பிடத்தக்கது.

• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  வார் 2 படத்தின் முக்கிய அப்டேட்
• 
  மலையாள படத்தின் ஹிந்தி ரீமேக் : இயக்குனர் மறைந்து ஒரு வருடம் கழித்து ...
• 
  மீண்டும் ஹிந்தியில் கீர்த்தி சுரேஷ்
• 
  கேன்ஸ் திரைப்பட விழா தொடங்கியது: இந்திய கலைஞர்கள் ஆதிக்கம்
• 
  நாங்கள் ஒரு நல்ல படம் தயாரித்துள்ளோம் : சூரஜ் பஞ்சோலி

• 
  'விக்ரம்' டிரைலர் சாதனையை முறியடித்த 'தக் லைப்' டிரைலர்
• 
  நயன்தாரா நடிப்பது பற்றிய வீடியோ, 'இவ்ளோ சுமாரா' எடுத்திருக்க வேண்டுமா?
• 
  தக் லைப் டிரைலர் வெளியீடு : நீயா... நானா... என மோதும் கமல், சிம்பு!
• 
  தெலுங்கு தயாரிப்பு, இயக்குனர் படத்தில் ரஜினிகாந்த்?
• 
  பால்கே பயோபிக் ; ராஜமவுலி குழுவினர் சந்திக்கவேயில்லை - பால்கே பேரன்