Dinamalar

தக் லைப் டிரைலர் வெளியீடு : நீயா... நானா... என மோதும் கமல், சிம்பு!

மணிரத்னம் இயக்கத்தில் நீண்ட இடைவெளிக்கு பின் கமல் நடித்துள்ள படம் ‛தக் லைப்'. இதில் சிம்பு, திரிஷா, ஐஸ்வர்யா லட்சுமி, நாசர், ஜோஜு ஜார்ஜ், அபிராமி உள்ளிட்டோர் நடித்துள்ளனர். ஏஆர் ரஹ்மான் இசையமைத்துள்ளார். கமலின் ராஜ்கமல் பிலிம்ஸ், மணிரத்னத்தின் மெட்ராஸ் டாக்கீஸ், உதயநிதியின் ரெட் ஜெயன்ட் ஆகிய நிறுவனங்கள் இணைந்து தயாரித்துள்ளனர்.

ஜுன் 5ல் பான் இந்தியா படமாக தமிழ், தெலுங்கு, ஹிந்தி உள்ளிட்ட மொழிகளில் வெளியாகிறது. இன்று(மே 17) படத்தின் டிரைலர் வெளியானது. 2 நிமிடம் ஓடக் கூடிய இந்த டிரைலரில் கமல், சிம்பு இடையேயான மோதல் தான் கதை என தெரிகிறது.

கேங்ஸ்டரான கமலின் உயிரை சின்ன வயது சிறுவன் சிம்பு காப்பாற்றுவார் போல் தெரிகிறது. அதன்பின் சிம்புவை தன் மகன் போல் வளர்க்கிறார். ஒருக்கட்டத்தில் இவர்களுக்குள் பகை வர நீயா... நானா... பார்த்துவிடலாம் என மோதுகின்றனர். படத்தின் டிரைலர் இதை தான் சொல்கிறது.

படத்தின் காட்சி அமைப்பு, பின்னணி இசை கமலுக்கு இணையாக சிம்புவின் நடிப்பு, இருவரின் ஆக்ரோஷமான ஆக் ஷன் மோதல் என டிரைலர் பார்க்க நன்றாக உள்ளது. அதோடு கமலின் மனைவியாக அபிராமியும், காதலியாக திரிஷாவும் வருவார்கள் என டிரைலரை பார்க்கையில் புரிகிறது.

தமிழ் மட்டுமல்லாது தெலுங்கு, ஹிந்தியிலும் டிரைலர் வெளியாகி உள்ளது. ஒரு மணிநேரத்தில் தமிழ் டிரைலருக்கு 10 லட்சத்திற்கும் அதிகமான பார்வைகள் கிடைத்தன. தெலுங்கு, ஹிந்திக்கு குறைவான பார்வைகளே கிடைத்தன.

• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்
• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...

• 
  சென்னையில் இன்று புதிதாகத் திறக்கப்பட்ட 2 தியேட்டர்கள்
• 
  தமிழ் சினிமாவின் 3 மாதங்கள்…. வசூல் 300 கோடி மட்டுமே….
• 
  இயக்குனர் மணிகண்டன் ஏன் பேசவில்லை
• 
  கர படத்தை தமிழகத்தில் வெளியிடும் ரெட் ஜெயன்ட் நிறுவனம்
• 
  பாய்ஸ் படத்தை ரீ ரிலீஸ் செய்ய தயாரிப்பாளர் திட்டம்