Dinamalar

150வது படத்தில் அல்சைமர் அதிகாரியாக நடிக்கும் சரத்குமார்

நடிகர் சரத்குமார் கடந்த 36 ஆண்களாக தொடர்ந்து நடித்து வருகிறார். இடையில் அரசியலுக்கு சென்றாலும் நடிப்பை கைவிடவில்லை. இப்போது நாயகன் என்பதை தாண்டி குணசித்ர வேடங்களிலும் நடித்து வருகிறார். கடந்த ஆண்டு வெளியான பொன்னியின் செல்வன், போர் தொழில், பரம்பொருள் படங்களுக்கு நல்ல வரவேற்பு கிடைத்தது.

அவர் நடிக்கும் 150வது படம் 'ஸ்மைல்மேன்'. இப்படத்தை ஷ்யாம் பர்வீன் இயக்கியுள்ளார். இவர் இதற்குமுன்'மெமரீஸ்' என்ற படத்தை இயக்கியவர். சரத்குமார் இப்படத்தில் அல்சைமர் நோயால் பாதிக்கப்பட்ட போலீஸ் அதிகாரியாக நடித்துள்ளார். ஒரு முக்கியமான குற்றத்தை விசாரித்து வரும்போது ஒரு விபத்தில் சிக்கிய அவர் அல்சைமர் (நினைவு மறத்தல்) பிரச்னைக்கு உள்ளாகிறார். அவருக்கு கட்டாய ஓய்வும் கொடுத்து விடுகிறார்கள். பின்னர் அவர் தனிநபராக அந்த குற்றத்தின் பின்னணியில் உள்ள குற்றவாளிகளை எப்படி கண்டுபிடிக்கிறார் என்பது கதை. இது ஒரு பிரபல ஹாலிவுட் படத்தின் தழுவல் என்று கூறப்படுகிறது.

இந்த படத்தில் சரத்குமாருடன் சிஜா ரோஸ், இனியா, ஜார்ஜ் மரியான் மற்றும் பலர் நடித்துள்ளனர். தற்போது படத்தின் பர்ஸ்ட் லுக் போஸ்டர் வெளியிடப்பட்டுள்ளது.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா