Dinamalar

'காதல் மன்னன்' 26 ஆண்டுகள் : பாடலைப் பாடி நினைவு கூர்ந்த இசையமைப்பாளர் பரத்வாஜ்

சரண் அறிமுக இயக்கத்தில், பரத்வாஜ் அறிமுக இசையில், அஜித், அறிமுக நடிகை மானு, அறிமுக நடிகர் எம்எஸ் விஸ்வநாதன், விவேக் மற்றும் பலர் நடிக்க 1998ம் ஆண்டு மார்ச் மாதம் 6ம் தேதி வெளிவந்த படம் 'காதல் மன்னன்'. இப்படம் வெளியாகி இன்றுடன் 26 ஆண்டுகள் நிறைவடைகிறது.

இப்படம் குறித்து நினைவு கூர்ந்த இசையமைப்பாளர் பரத்வாஜ், அப்படத்தில் இடம் பெற்ற சூப்பர் ஹிட் பாடலான 'உனை பார்த்த பின்பு நான், நானாக இல்லையே..,” பாடலைப் பாடி வீடியோ ஒன்றைப் பதிவிட்டுள்ளார். “உங்கள் கண்களை மூடித் திறந்தால், 26 ஆண்டுகள் பறந்துவிட்டது. இந்த வெள்ளியன்று மாலை 6 மணிக்கு அப்டேட் ஒன்றைத் தரப் போவதாகவும் குறிப்பிட்டுள்ளார்.

'காதல் மன்னன்' படம் ஒரு அழகான காதல் படமாக அமைந்து 100 நாட்களைக் கடந்து ஓடி வெற்றி பெற்றது. பரத்வாஜ் இசையில் அமைந்த பாடல்களும் அதற்கு ஒரு காரணம். இசையமைப்பாளர் எம்எஸ் விஸ்வநாதன் இந்தப் படத்தில் முக்கிய கதாபாத்திரம் ஒன்றில் நடித்து நடிகராக அறிமுகமானார். இப்படத்தில் கதாநாயகியாக அறிமுகமான அஸ்ஸாம் மாநிலத்தைச் சேர்ந்த மானு பின்னர் எந்தப் படத்திலும் நடிக்கவேயில்லை.

நகைச்சுவை நடிகர் விவேக் இந்தப் படத்தில் இணை இயக்குனராகப் பணியாற்றினார். படம் வெளிவந்த பின் நடந்த பிரச்சனையில் சரணும், விவேக்கும் பிரிந்தனர்.

அஜித்தின் துள்ளலான, இனிமையான காதல் படங்களில் 'காதல் மன்னன்' படமும் மறக்க முடியாத ஒரு படம்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா