ஜெயிலர் ஜாபருக்கு கூலிங் கிளாஸ் பரிசளித்த ரஜினி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

24 ஆக, 2023 - 01:44 IST

எழுத்தின் அளவு:

நெல்சன் திலீப்குமார் இயக்கத்தில் ரஜினிகாந்த் நடிப்பில் கடந்த ஆகஸ்ட் 10ம் தேதி ஜெயிலர் திரைப்படம் வெளியானது. வெளியான முதல் நாளில் இருந்தே மிகப்பெரிய வரவேற்பை பெற்று வசூல் ரீதியாகவும் சாதனைகளை படைத்து வருகிறது ஜெயிலர் திரைப்படம். அது மட்டுமல்ல இந்த படத்தில் நடித்த பல நடிகர்களுக்கு புகழ் வெளிச்சமும் பாய்ச்சி உள்ளது. அந்த வகையில் இந்த படத்தில் படம் முழுவதும் ரஜினி உடனேயே பயணிக்கும் விதமாக நடித்திருந்த நடிகர் ஜாபர் சாதிக், விக்ரம் படத்தை தொடர்ந்து இந்த படத்தின் மூலம் இன்னும் அதிக கவனம் பெற்றுள்ளார்.

குறிப்பாக ரஜினியுடன் இணைந்து காமெடி மற்றும் நடன காட்சியில் நடித்துள்ள இவருக்கு ரசிகர்கள் பலரும் தங்களது பாராட்டுகளை தெரிவித்து வருகின்றனர். இந்த நிலையில் இந்த படத்தில் ரஜினிகாந்த் பெரும்பாலான காட்சிகளில் தான் அணிந்து நடித்த கூலிங் கிளாஸை ஜாபருக்கு பரிசாக வழங்கியுள்ளார். குறிப்பாக இந்த படத்தில் பல காட்சிகளில் ரஜினிகாந்த் தனது ஆட்களுக்கு சிக்னல் கொடுக்கும் ஒரு ஆயுதமாக இந்த கூலிங் கிளாஸை பயன்படுத்தியிருந்தார். படத்தில் இந்த கூலிங் கிளாஸ் மட்டும் தனியே காட்டப்படும் காட்சிகளில் கூட ரசிகர்கள் மிகப்பெரிய அளவில் கைதட்டி ரசித்தனர். இந்த நிலையில் அப்படி ஒரு கூலிங் கிளாஸ் தனக்கு ரஜினிகாந்த்திடம் இருந்து பரிசாக கிடைத்த தகவலை மகிழ்ச்சியுடன் பகிர்ந்து கொண்டுள்ளார் ஜாபர் சாதிக்.

Jailer

Rajinikanth

jaffersadiq

கருத்துகள் (0) கருத்தைப் பதிவு செய்ய

காது கேளாத மாற்றுத்திறனாளி ...

ஒளிப்பதிவாளர் ரவி கே.சந்திரனுக்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய