Dinamalar

காது கேளாத மாற்றுத்திறனாளி குழந்தைகளுடன் பிறந்தநாளை கொண்டாடிய பூமிகா

தமிழ் சினிமாவில் ‛ரோஜாக்கூட்டம்' படம் மூலம் பிரபலமானவர் நடிகை பூமிகா சாவ்லா. அதை தொடர்ந்து விஜய்யுடன் பத்ரி, சூர்யாவுடன் சில்லுனு ஒரு காதல் உள்ளிட்ட தமிழ் படங்களில் நடித்தார். திருமணத்திற்கு பிறகு கொஞ்ச காலம் திரையுலகில் இருந்து ஒதுங்கி இருந்த பூமிகா சமீப காலமாக செலெக்ட்டிவ்வான படங்களை தேர்ந்தெடுத்து நடித்து வருகிறார். கடந்த சில மாதங்களுக்கு முன்பு உதயநிதி நடிப்பில் வெளியான இரவுக்கு ஆயிரம் கண்கள் படத்தில் நெகட்டிவ் கதாபாத்திரத்தில் நடித்து ஆச்சரியப்படுத்தினார்.

தற்போது தனது 45வது வயதில் அடி எடுத்து வைத்துள்ள பூமிகா தனது பிறந்தநாளை காது கேளாத மாற்றுத் திறனாளி குழந்தைகளுடன் சேர்ந்து கொண்டாடியுள்ளார். இந்த நிகழ்வில் அவர்களுக்கு இனிப்பு வழங்கி அவர்களை மகிழ்வித்ததுடன் பல குழந்தைகளுக்கு ஹியரிங் எய்ட் மெஷினும் வாங்கிக் கொடுத்துள்ளார். இது குறித்த தகவலை தனது சோசியல் மீடியா பக்கத்திலும் பகிர்ந்து கொண்டுள்ளார் பூமிகா.

மேலும், “இது போன்ற விஷயங்களை நான் பொதுவெளியில் எப்போதும் பகிர்ந்து கொள்ள விரும்புவதில்லை. ஆனால் என்னை பின்தொடர்புகளில் சிலருக்கு இதுபோன்று நல்ல விஷயங்களை செய்வதற்கு ஊக்கமாக அமையும் என்பதற்காக இந்த செய்தியை உங்களுடன் பகிர்ந்து கொண்டுள்ளேன். ஆண்டவன் நமக்கு நல்ல வாழ்க்கையையும் பிறருக்கு நல்லது செய்து அவர்கள் முகத்தை சந்தோசத்தை வரவழைக்கும் மனதையும் கொடுத்துள்ளார். இது உண்மையிலேயே எனது பிறந்த நாளை மகிழ்ச்சிகரமாக மாற்றியது” என்று கூறியுள்ளார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா