Dinamalar

ஜானி மாஸ்டருக்கு நன்றி சொன்ன ஜாக்குலின் பெர்னாண்டஸ்

முன்பெல்லாம் பெரிய ஹீரோக்களின் படங்களில் இடம்பெறும் ஐட்டம் பாடல்களுக்கு என தனியாக கவர்ச்சி நடிகைகள் நடனமாடி வந்தனர். தற்போது பிரபல முன்னணி நடிகைகளே அப்படி ஒரு பாடலுக்கு ஆட தயங்குவதில்லை. அப்படி அவர்கள் ஆடும் அந்த பாடலும் பயங்கர ஹிட் ஆகி அவர்களுக்கு இன்னும் அதிக மைலேஜ் தருகின்றன. கடந்த சில மாதங்களுக்கு முன்பு அல்லு அர்ஜுன் நடிப்பில் வெளியான புஷ்பா படத்தில் ஓ சொல்றியா மாமா பாடலுக்கு ஆடிய சமந்தா ரசிகர்களிடம் இன்னும் அதிக வரவேற்பை பெற்றார்.

இந்த நிலையில் பாலிவுட் நடிகையான ஜாக்குலின் பெர்னாண்டஸுக்கும் அப்படி ஒரு வரவேற்பு ‛ரா ரா ராக்கம்மா' பாடல் மூலம் கிடைத்துள்ளது. சில நாட்களுக்கு முன்பு கன்னடத்தில் சுதீப் நடிப்பில் வெளியான விக்ராந்த் ரோனா படத்தில் இடம்பெற்ற ரா ரா ராக்கம்மா என்கிற பாடலுக்கு ஜாக்குலின் பெர்னாண்டஸ் நடனமாடி ரசிகர்களை கிரங்கடித்தார். இந்த பாடல் யூடியூபில் ஒவ்வொரு மொழியிலும் பல மில்லியன் பார்வையாளர்களால் பார்க்கப்பட்டு வரவேற்பு பெற்றுள்ளது. தியேட்டர்களிலும் இந்த பாடலுக்கு ரசிகர்கள் எழுந்து ஆட்டம் போடுகின்றனர். தனித்தனி வீடியோவாகவும் பலர் இந்தப்பாடலுக்கு ஆடி சோஷியல் மீடியாவில் வெளியிட்டு வருகின்றனர்.

இந்த வரவேற்பை பார்த்து அதிசயித்து போன ஜாக்குலின் பெர்னாண்டஸ், இதனை தொடர்ந்து இப்படி ஒரு பாடலுக்கு தனக்கு நடனம் வடிவமைத்து கொடுத்ததற்காக நடன இயக்குனர் ஜானி மாஸ்டருக்கு தனது நன்றியை தெரிவித்துள்ளார். பீஸ்ட் படத்தில் இடம்பெற்று சூப்பர் ஹிட்டான அரபிக்குத்து பாடலுக்கும் ஜானி மாஸ்டர் தான் நடனம் வடிவமைத்திருந்தார் என்பது குறிப்பிடத்தக்கது.

• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்

• 
  ஹேமா கமிஷன் அறிக்கையை விட அதிர்ச்சி தருவதாக இருந்தது ; மோகன்லால் குறித்து ...
• 
  மோகன்லாலின் ஹிருதயபூர்வம் படத்துக்கு யு சான்றிதழ்
• 
  ‛ஆந்திரா கிங் தாலுக்' படத்தின் ரிலீஸ் தேதி அறிவிப்பு!
• 
  2 வருடங்களுக்கு முன் காணாமல் போன மெமரி கார்டை கண்டுபிடிக்க சிறப்பு குழுவை ...
• 
  கேரள அரசு போக்குவரத்து ... மலரும் நினைவுகளில் மோகன்லால்