கதைகளை புனைவதால் வருத்தம்: பாடகி சைந்தவி | மீண்டும் அயோத்தி மந்திர மூர்த்தி இயக்கத்தில் நடிக்கும் சசிகுமார்! | 4 மொழிகளில் திரைக்கு வரும் அமலாபாலின் ‛லெவல் கிராஸ்' | இந்தியன்-2 படத்தோடு வெளியாகும் இந்தியன்- 3 படத்தின் டிரைலர்! | சர்ச்சையாக பேசிய திமுக பேச்சாளர்: நடிகை ராதிகா புகார் | மோசடி வழக்கில் நயன்தாரா பட இயக்குனர் கைது | வித்தியாசமான ஹேர்ஸ்டைலுக்கு மாறிய கீர்த்தி சுரேஷ் | ரிலீஸ் செய்ய மறுத்த ஆத்திரத்தில் பேஸ்புக்கில் படத்தை வெளியிட்ட டொவினோ தாமஸ் பட இயக்குனர் | கார் விபத்தில் சிக்கிய லியோ நடிகரின் குடும்பம் ; உறவினர் ஒருவர் பலி | இயக்குனரின் கணவர் பேட்டியால் சிக்கலில் மம்முட்டி |
மலையாளத்தில் சமீபத்தில் பிரித்விராஜ் நடிப்பில் கடுவா என்கிற திரைப்படம் வெளியாகி ஓரளவு வெற்றிகரமாக ஓடிக்கொண்டிருக்கிறது. இந்த படத்தை இயக்குனர் ஷாஜி கைலாஷ் இயக்கி உள்ளார். இதைத்தொடர்ந்து பிரித்விராஜ் நடிப்பில் உருவாகும் காப்பா என்கிற படத்தையும் இயக்குனர் ஷாஜி கைலாஷ் தற்போது இயக்கி வருகிறார்.
இந்த படம் மலையாள திரையுலக இயக்குனர் சங்கத்திற்கு நிதி திரட்டும் விதமாக உருவாகி வருகிறது. இந்த படத்தில் கதாநாயகியாக நடிக்க மஞ்சு வாரியர் ஒப்பந்தமாகி இருந்த நிலையில் அவர் விலகி உள்ளதாக தகவல் வெளியாகி உள்ளது. அவருக்கு பதிலாக சமீபத்தில் சிறந்த நடிகைக்காக தேசிய விருது அறிவிக்கப்பட்ட சூரரைப்போற்று நாயகி அபர்ணா பாலமுரளி நடிக்க உள்ளார்.
தற்போது தமிழில் அஜித் நடிக்கும் படத்தில் கதாநாயகியாக நடிப்பதுடன் மற்றும் சில படங்களில் கதாநாயகியாக பிஸியாக நடித்து வருகிறார் மஞ்சு வாரியர். காப்பா திரைப்படத்தை இதற்குமுன் வேறு ஒருவர் இயக்குவதாக இருந்து சில காரணங்களால், தற்போது ஷாஜி கைலாஷ் இந்த படத்திற்கு இயக்குனராக பொறுப்பேற்றுள்ளார். இதில் ஏற்பட்ட குளறுபடிகள் காரணமாக படப்பிடிப்பு தேதிகள் மாறியதால், மஞ்சு வாரியர் இந்த படத்திற்கு கால்ஷீட் கொடுக்கமுடியாத நிலையில் இந்த படத்தில் இருந்து வெளியேறி உள்ளதாக சொலப்படுகிறது..