Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » சின்னத்திரை »

சண்முகராஜனிடம் மன்னிப்பு கேட்டால்தான் இனி நடிக்க முடியும்: ராணிக்கு நடிகர் சங்கம் நிபந்தனை

15 டிச, 2018 - 11:01 IST
எழுத்தின் அளவு:
Rani-must-say-apollogy-to-Shanmugarajan-:-Nadigarsangam-demand

ஜெமினி படத்தில் ஓ போடு பாடலுக்கு நடனம் ஆடி ஓஹோவென புகழ்பெற்றவர் நடிகை ராணி. வில்லுப்பாட்டுக்காரன் உள்பட சில படங்களில் ஹீரோயினாகவும் நடித்தார். தற்போது நந்தினி என்ற தொலைக்காட்சி தொடரில் நடிகர் சண்முகராஜன் மனைவியாக நடித்து வருகிறார். சுந்தர்.சி தயாரிப்பில் இயக்குனர் ராஜ்கபூர் இயக்கும் பேண்டஸி தொடர் இது.

இந்த தொடரில் நடிக்கும்போது நடிகர் சண்முகராஜனுக்கும், ராணிக்கும் கருத்து வேறுபாடு இருந்து வந்துள்ளது. சில மாதங்களுக்கு முன்பு ராணி, சண்முகராஜன் கன்னத்தில் அடிக்க வேண்டிய காட்சியில் நிஜமாகவே அடித்துள்ளார். இதனால் சண்முகராஜனும் திருப்பி அடித்துள்ளார். தாக்க வந்த ராணியின் கணவரையும் தாக்கி உள்ளார்.


இதனால் ஆத்திரம் அடைந்த ராணி, சண்முகராஜன் தனக்கு பாலியல் தொல்லை கொடுத்ததாக போலீசில் புகார் கூறினார். பின்னர் தொடரின் தயாரிப்பு நிர்வாகம் இருவரையும் அழைத்து பேசியதை தொடர்ந்து புகாரை வாபஸ் பெற்றார். சண்முகராஜன் போலீசில் மன்னிப்பு கடிதம் எழுதிக் கொடுத்தார்.


ராணி, தன் மீது பொய்யான பாலியல் புகார் கொடுத்து, தன் இமேஜை கெடுத்து விட்டதால் அவர் மீது நடவடிக்கை எடுக்க வேண்டும் என்று நடிகர் சங்கத்தில் சண்முகராஜன் புகார் செய்தார். இந்த புகாரின் பேரில் விசாரணை நடத்த நடிகர் சங்கம் பலமுறை அழைத்தும் ராணி வரவில்லை. சண்முகராஜன் தன் தரப்பு நியாத்தை சொன்னார். இதனால், தற்போது நடிகர் சங்கம், சண்முகராஜனிடம் மன்னிப்பு கேட்டால் தான் இனி ராணி நடிக்க முடியும் என்று நிபந்தனை விதித்துள்ளது. இது தொடர்பாக நடிகர் சங்கம் சண்முகராஜனுக்கு எழுதியுள்ள கடிதத்தில் கூறியிருப்பதாவது:


நீங்கள் அளித்த கடிதத்துக்கு விளக்கம் அளிக்கும்படி ராணிக்கு நடிகர் சங்கம் நோட்டீஸ் அனுப்பியது. அதற்கு இதுவரை அவர் விளக்கம் அளிக்கவில்லை. நடிகர் சங்க செயற்குழு நேரில் ஆஜராகியும் நீங்கள் விளக்கம் அளித்தீர்கள். உங்கள் மீது பாலியல் புகார் காழ்ப்புணர்ச்சியால் கொடுக்கப்பட்டது என்பதை தாங்கள் அளித்த விளக்கம் மூலம் தெரிந்து கொண்டோம்.


இனிவரும் காலத்தில் நடிகை ராணி திரைப்படங்களிலோ, அல்லது தொலைக்காட்சி தொடரிலோ நடிக்க வரும்போது, தங்களிடம் பகிரங்க மன்னிப்பு கேட்டால் மட்டுமே அவர் தொடர்ந்து திரைப்பட துறையில் நடிக்க அனுமதி வழங்கப்படும் என்பதை தெரிவித்துக் கொள்கிறோம்.


இவ்வாறு அந்த கடிதத்தில் கூறப்பட்டுள்ளது.

Advertisement
கருத்துகள் (12) கருத்தைப் பதிவு செய்ய
மலையாள நடிகை காயத்ரி அருணுக்கு பாலியல் தொல்லைமலையாள நடிகை காயத்ரி அருணுக்கு ... போதை பொருள் கடத்தல் : மலையாள டிவி நடிகை கைது போதை பொருள் கடத்தல் : மலையாள டிவி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (12)

Mirthika Sathiamoorthi - Sembawang,சிங்கப்பூர்
17 டிச, 2018 - 11:49 Report Abuse
Mirthika Sathiamoorthi திரு சண்முகராஜனுக்கு எதிராக கருத்துசொல்பவர்கள் கவனிக்க வேண்டியது... சண்முகராஜன் அறைந்த பிறகு ராணி காவல் நிலையத்தில் பாலியல் வன்கொடுமையின் கீழ் புகார் அளித்தபின் சண்முகராஜன் பகிரங்கமாக மன்னிப்பு கேட்டார். அதனால் ராணி புகாரை வாபஸ் வாங்கினார்... இப்பொழுது சண்முகராஜன் பெண்ணை அறைந்தால் நான் மன்னிப்பு கேட்டேன் அதேசமயம் என்னை அறைந்ததற்கு ராணி மன்னிப்பு கேட்கவேண்டும் என நடிகர் சங்கத்தில் விண்ணப்பம் வைக்கிறார் இதில் என்ன தவறு?...நடிகர் சங்கம் விளக்கம் ராணியிடம் கேக்கிறது.. ராணி அறைந்ததால் எதிர்வினை சண்முகராஜன் அறைந்தார்.. அவர் மன்னிப்பு கேட்டார்..ஆனால், ராணி மன்னிப்பு கேக்க மறுப்பதேன்? எந்த விளக்கமும் சங்கத்திற்கு கொடுக்காமல் இருப்பது? சங்கத்தின் முடிவு சரியே....
Rate this:
meenakshisundaram - bangalore,இந்தியா
17 டிச, 2018 - 04:54 Report Abuse
meenakshisundaram இது சரியாக்கப்படலியே ,சண்முகராஜன் நடிகையின் கணவரையும் தாக்கியுள்ளார் .அவரல்லவா மன்னிப்பு கேட்க வேண்டும், இது ஆணாதிக்கத்தை தான் காட்டுகிறது. சின்மயா பயந்தது இதற்கே.
Rate this:
oce - chennai,இந்தியா
16 டிச, 2018 - 21:45 Report Abuse
oce சம் திங் ராங்.
Rate this:
அம்பி ஐயர் - நங்கநல்லூர், சென்னை - 600 061,இந்தியா
16 டிச, 2018 - 11:11 Report Abuse
அம்பி ஐயர் அப்படி என்ன விளக்கம் கொடுத்தாரு...?? விளக்கமாத்தான் சொல்லுங்களேன்.... சும்மாவாச்சும் அடிக்கறதுக்கு ராணி என்ன லூசா...??? விஷயத்தை பூசி மெழுகுறானுங்க....??? முழுப் பூசணிய சோத்துல மறைக்குற கூட்டம் தானே... கூத்தாடி கூட்டம்...????
Rate this:
Vaduvooraan - Chennai ,இந்தியா
16 டிச, 2018 - 10:44 Report Abuse
Vaduvooraan இந்த சினிமாகாரங்க ரூட்டே தனிதான் போங்க...இத்தினி நாள் இந்த சண்முகராஜனையும், ராணியையும் பலருக்கு தெரியாம இருந்துச்ச...இப்ப எல்லாருக்கும் தெரிஞ்சு போச்சு..இதுல வேல இல்லாதவிங்க யாரு? இந்த சினிமாகாரங்களா, நடிகர் சங்க ஆளுங்களா, அல்லது கருத்துப்பதிவு பண்ற என்ன மாதிரி ஆளுங்களா?
Rate this:
மேலும் 7 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Asuran
    • அசுரன்
    • நடிகர் : தனுஷ்
    • நடிகை : மஞ்சு வாரியர்
    • இயக்குனர் :வெற்றிமாறன்
    Tamil New Film Ayogya
    • அயோக்யா
    • நடிகர் : விஷால்
    • நடிகை : ராஷி கண்ணா
    • இயக்குனர் :வெங்கட் மோகன்
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2019 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in