Dinamalar

ரீ ரிலீஸ் : அஜித் பிறந்தநாளில் மங்காத்தாவா... பில்லாவா...

என்னதான் விஜய்யும், அஜித்தும் தங்களை நெருக்கமான நண்பர்களாக காட்டிக் கொண்டாலும் அவரது ரசிகர்கள் இப்போதும் எலியும், பூனையுமாகத்தான் இருக்கிறார்கள். இதனை தயாரிப்பாளர்கள் வியாபார யுக்திக்காக பயன்படுத்திக் கொள்கிறார்கள். அது ரீ ரிலீஸ் டிரண்டிங்கிலும் தொடர்கிறது.

சமீபத்தில் ரீ ரிலீஸ் செய்யப்பட்ட 'கில்லி' படம் 12 கோடிக்கு மேல் வசூலித்து புதிய சாதனை படைத்தது. இதை தொடர்ந்து அஜித் நடித்த 'மங்காத்தா' படத்தை ரீ ரிலீஸ் செய்ய இருப்பதாக கூறப்பட்டது.

ஆனால் தற்போது 'பில்லா' படத்தை வெளியிட இருப்பதாக அதிகாரபூர்வமாக அறிவித்துள்ளார்கள். அஜித்தின் பிறந்த நாளான மே முதல் தேதியில் தமிழ்நாடு முழுவதும் 150க்கும் மேற்பட்ட தியேட்டர்களில் வெளியிடுகிறார்கள். ஏடிஎம் புரொடக்ஷன் என்ற நிறுவனம் வெளியிடுகிறது.

1980ம் ஆண்டு ரஜினி, ஸ்ரீப்ரியா நடித்த 'பில்லா' படம், 2007ம் ஆண்டு அஜித் நடிப்பில் ரீமேக் ஆனது. இதில் நயன்தாரா, நமீதா நடித்திருந்தார்கள். விஷ்ணுவர்தன் இயக்கி இருந்தார். நீரவ்ஷா ஒளிப்பதிவு செய்திருந்தார், யுவன் சங்கர் ராஜா இசை அமைத்திருந்தார். இரண்டு படங்களுமே பெரிய வெற்றி பெற்றது. தற்போது ரீ ரிலீஸில் கில்லி சாதனையை முறியடிக்குமா என்கிற கேள்வி எழுந்துள்ளது.

அதேசமயம் மே 1ல் மங்காத்தாவும் வெளியாகலாம் என தெரிகிறது. ஒரேநாளில் இரண்டு அஜித் படங்கள் ரீ-ரிலீஸ் ஆகுமா... அல்லது வேறு தேதியில் மங்காத்தா வெளியாகுமா என்பது இனி வரும் நாட்களில் தெரியவரும்.

• 
  சாராவை தவறான நோக்கத்தில் கட்டிப்பிடிக்கவில்லை : பாலிவுட் நடிகர் ராகேஷ் ...
• 
  தர்மேந்திராவின் கடைசி படம் ஆங்கில புத்தாண்டில் ரிலீஸ்
• 
  ‛பார்டர் 2'வில் வருண் தவான் நடிப்பிற்கு பாராட்டு தெரிவித்த பரம்வீர் ...
• 
  சூதாட்ட செயலி வழக்கு : பாலிவுட் நடிகர், நடிகைகள் சொத்துக்கள் முடக்கம்
• 
  4 இடியட்ஸ் ஆக உருவாகும் 3 இடியட்ஸ் படத்தின் 2ம் பாகம் ?

• 
  மம்முட்டி நடிக்க வேண்டிய படத்தில் ஜீவா
• 
  ரீ ரிலீஸ் ஆகும் அஜித்தின் மங்காத்தா
• 
  47வது படத்தில் மீண்டும் போலீஸ் வேடத்தில் சூர்யா
• 
  அரசன் பட படப்பிடிப்பில் விஜய் சேதுபதி
• 
  தாத்தாவாக நடிக்க மாட்டேன், அப்பாவுடன் நடிக்க ஆசை : விக்ரம் பிரபு