Dinamalar

ரஜினி - கமல் இணையும் பட அறிவிப்பு நாளை வெளியாகிறது

நடிகர்கள் ரஜினிகாந்த், கமல்ஹாசன் இணைந்து பல படங்களில் நடித்துள்ளனர். கடைசியாக 1979ல் வந்த 'அலாவுதீனும் அற்புத விளக்கும்' என்ற படத்தில் இணைந்து நடித்திருந்தனர். அதன்பிறகு இருவரும் தனித்தனி பாதையில் சினிமாவில் பயணித்து வந்தாலும், இருவருக்குள்ளும் ஆழமான நட்பு இன்றளவும் தொடர்கிறது. பல நிகழ்ச்சி மேடைகளில் தங்களின் நட்பை சிலாகித்து பேசியிருப்பார்கள் இருவரும்.

தமிழ் சினிமாவில் பல காலமாக கோலோச்சியிருக்கும் இவர்கள் மீண்டும் இணைந்து நடித்தால் மிகப்பிரமாண்டமாக இருக்கும் என பலரும் கருத்து தெரிவித்தனர். சில மாதங்களுக்கு முன்பாக இருவரும் ஒரு படத்தில் இணைந்து நடிக்க உள்ளதாக அறிவித்தனர். இது, இந்திய சினிமா ரசிகர்களை பலத்த எதிர்பார்ப்பை தூண்டியது. ஆனால், இவர்கள் இணையும் படத்தை யார் இயக்குவார், யார் இசையமைப்பார் என்ற கேள்விகள் அடுத்தடுத்து எழத் துவங்கியது.

கமல், ரஜினியை தனித்தனியாக இயக்கிய லோகேஷ் கனகராஜ் உள்ளிட்ட பல இயக்குனர்களும் இவர்களுக்கான கதையை சொல்லி வந்தனர். இறுதியில் இயக்குனர் நெல்சன் திலீப்குமார் தான் இயக்க உள்ளதாக கோலிவுட்டில் தகவல் பரவியது. இதற்கான புரோமோ ஷூட்டிங்கும் நடந்து முடிந்ததாக கூறப்படுகிறது. நெல்சன் தற்போது ரஜினியை வைத்து 'ஜெயிலர் 2' படத்தை இயக்கி வருகிறார்.

இந்த நிலையில், ரெட் ஜெயண்ட் நிறுவனம் ஒரு அறிவிப்பை வெளியிட்டுள்ளது. அவர்கள் வெளியிட்ட போஸ்டரில், இரு நட்சத்திரங்கள் எதிரெதிராக சந்திப்பது போன்றும், 'உலகங்கள் ஒன்றிணையும் போது, ஒரு பக்கம் சாய்வதேது?' என்ற வாசகமும் இடம்பெற்றுள்ளது. மேலும், 'சில கதைகள் விதிகளைப் பின்பற்றுகின்றன. சில படங்கள் அவற்றை மீண்டும் எழுதுகின்றன. ஆர்வமாக இருங்கள். உற்சாகமாக இருங்கள். அடுத்த அப்டேட் இரவு 7:12 மணிக்கு' என்றும் குறிப்பிட்டனர்.

கமலின் பிறந்தநாளான நவம்பர் 7, ரஜினியின் பிறந்தநாளான டிசம்பர் 12 ஆகியவற்றை குறிப்பிடும் நோக்கில் 7:12 மணிக்கு அப்டேட், இரு நட்சத்திரங்களின் குறியீடு, உலகங்கள் ஒன்றிணைவு பற்றிய வாசகங்கள் என இதனை வைத்து பார்க்கையில் இது ரஜினி, கமல் இணையும் படத்திற்கான அறிவிப்பாக இருக்கும் என எதிர்பார்க்கப்பட்டது.

இந்நிலையில் 7:12 மணிக்கு வெளியிட்ட அறிவிப்பில் பழைய டைப் பென்ஸ் கார் ஒன்று இடம் பெற்றுள்ளது. அதோடு KH(கமல் ஹாசன்) RK (ரஜினிகாந்த்) என குறிப்பிட்டு அடுத்த அப்டேட் நாளை(பிப்., 20) வெளியாகும் என தெரிவித்துள்ளனர். அதோடு படம் பற்றிய அறிவிப்பு வீடியோ அல்லது போஸ்டர் பிப்., 21ல் வெளியாகும் என எதிர்பார்க்கப்படுகிறது.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  பாலிவுட் நடிகை கேரளாவில் திடீர் திருமணம்
• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...

• 
  'ப்ரோ கோட்' தலைப்பு மாறுகிறது
• 
  காதல் கதையில் அர்ஜூன் தாஸ்
• 
  நடிகர் சங்க நிர்வாகிகள் பதவி நீட்டிப்புக்கு பதிவாளர் ஒப்புதல்: ...
• 
  பிளாஷ்பேக்: 3 ஹாலிவுட் படங்களை தழுவி உருவான 'நாடோடி மன்னன்'
• 
  பிளாஷ்பேக்: நிஜ ராணுவ முகாமில் எடுக்கப்பட்ட படம்