ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விஜய் டிவியில் ஒளிபரப்பாகி வந்த பிக்பாஸ் சீசன் 2 நிகழ்ச்சி நேற்றுடன் முடிவடைந்தது. 'மெட்ராஸ், கபாலி' உள்ளிட்ட படங்களில் நடித்த நடிகை ரித்விகா வெற்றியாளராக தேர்வாகி 50 லட்ச ரூபாய் பரிசை வென்றார். அவருக்கு 1 கோடியே 60 லட்சம் வாக்குகள் கிடைத்ததாக கமல்ஹாசன் தெரிவித்தார்.
நேற்றைய இறுதிப் போட்டி இரவு 8 மணிக்கு ஆரம்பமாகி நள்ளிரவு 12 மணி வரையிலும் ஒளிபரப்பானது. இந்த சீசன் போட்டியாளர்கள் அனைவரும் கலந்து கொண்ட நடனம், விஜய் டிவியின் காமெடி நிகழ்ச்சி நடிகர்கள் கலந்து கொண்ட நகைச்சுவை நிகழ்ச்சி, யாஷிகா ஆனந்த் நடனம், இந்த சீசன் போட்டியாளர்கள் குடும்பத்தினர் கலந்து கொண்ட கேள்வி, பதில் நிகழ்வு என நிகழ்ச்சியின் நேரத்தைக் கூட்டிக் கொண்டே போனார்கள்.
சிறப்பு நிகழ்வாக கடந்த சீசனின் வெற்றியாளரான ஆரவ், பிக் பாஸ் வீட்டுக்குள் நுழைந்து நேற்று இறுதிப் போட்டியில் இருந்த ரித்விகா, ஐஸ்வர்யா, விஜயலட்சுமி ஆகிய மூவரில் விஜயலட்சுமியை 'எவிக்ட்' செய்து வெளியே கூட்டிக் கொண்டு சென்றார்.
சிறப்பு விருந்தினராக கடந்த சீசனின் பரபரப்பு போட்டியாளர் ஓவியா கலந்து கொண்டார். அவர் கமல்ஹாசனுடன் சிறிது நேரம் உரையாடி, கமல்ஹாசன் பற்றிய குறும்பட ஒளிபரப்புப் பற்றிய அறிவிப்பு செய்தார். அப்போது பேசிய ஓவியா, ஆரவ்வுடன் ஆரோக்கியமான ரிலேஷன்ஷிப் இருப்பதாகத் தெரிவித்தார்.
கடந்த சீசனின் ஓவியா ஆர்மி போல இந்த சீசனில் எந்தவொரு ஆர்மியும் பெரிதாகப் பேசப்படவில்லை என்பது குறிப்பிடத்தக்கது.