சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
இன்றைய இயந்திர தனமான வாழ்க்கையில் மக்களின் உணவு பழக்க வழக்கங்கள் முற்றிலுமாக மாறி போய்விட்டது. ஆரோக்கியமான உணவுவகைகளை சாப்பிட்ட காலம் போய், ஏதோ வயிறு நெறஞ்சா போதும் என்று சாப்பிடும் காலம் வந்துவிட்டது. மக்களுக்கு உணவுமுறை குறித்த பழக்கங்களை ஏற்படுத்தும் விதமாக மக்கள் டி.வி.யில் சமையல் நிகழ்ச்சி ஒளிப்பரப்பாகிறது. தினமும் பகல் 1.00 மணிக்கு ஒளிப்பரப்பாகும் இந்த நிகழ்ச்சியில், தமிழர்களின் மறந்துபோன உணவு வகைகள் முதல் இக்கால அவசர உணவு வரை பல்வேறு விதமான சமையல்கள் செய்து காண்பிக்கப்படுகிறது.
திங்கள் அன்று கைமணம் என்ற பெயரில் தமிழர்களின் மறந்து போன உணவு வகைகளையும், செவ்வாய் அன்று அவசர சமையல் என்ற பெயரில் அவசர உணவு வகைகளையும், புதன் அன்று நட்சத்திர சமையல் என்ற பெயரில் பிரபலங்கள் சமைக்கும் உணவு வகைகளையும், வியாழன் அன்று பன்னாட்டு சமையல் என்ற பெயரில் அயல்நாட்டு உணவு வகைகளையும், வெள்ளியன்று பசுமைசமையல் என்ற பெயரில் இயற்கை உணவு வகைகளையும், சனியன்று சுவைப்பயணம் என்ற பெயரில் ஒவ்வொரு பகுதியினரின் சிறப்பு உணவுவகைகளையும், ஞாயிறு அன்று சத்தான சமையல் என்ற பெயரில் சத்தான உணவு வகைகளையும் செய்து காண்பிக்கின்றனர்.