Dinamalar

சின்னத்திரையிலும் பாலியல் தொல்லை : குட்டி பத்மினி

மலையாள சினிமாவை தொடர்ந்து தமிழ் சினிமாவிலும் பாலியல் தொல்லைகள் குறித்த தகவல் வெளியாகத் தொடங்கியுள்ளது. ரியாஸ்கான் மீது புதிதாக குற்றச்சாட்டு கூறப்பட்டுள்ள நிலையில் நடிகையும், சின்னத்திரை தயாரிப்பாளருமான குட்டி பத்மினி 'சின்னத்திரையிலும் பாலியல் தொல்லைகள் அதிகமாக உள்ளது என்று கூறியதோடு மட்டுமல்லாமல் குழந்தை நட்சத்திரங்களும் பாலியல் தொல்லைக்கு உள்ளாவதாக' கூறி அதிர்ச்சி ஏற்படுத்தியுள்ளார்.

இது குறித்து அவர் மேலும் கூறியிருப்பதாவது: தமிழ் சினிமா துறையில் பாலியல் துன்புறுத்தல்கள் அதிகமாக இருப்பதை போல சின்னத்திரையிலும் அதிகமாக உள்ளது. இதனால் பல நடிகைகள் தற்கொலைக்கு முயன்று உள்ளார்கள். டாக்டர்கள், வழக்கறிஞர்கள், ஐ.டி. துறை போன்று சினிமாவும் ஒரு தொழில்தான். இதனை ஏன் உடல் வியாபாரமாக மாற்றுகிறார்கள் என்று தெரியவில்லை. இது மிகவும் தவறானது.

தமிழ் டிவி சீரியல்களில் நடிகைகளிடமிருந்து இயக்குனர்களும் டெக்னீஷியன்களும் பாலியல் சலுகைகளை எதிர்பார்க்கின்றனர். பாலியல் துன்புறுத்தலை நிரூபிக்க முடியாததால் பல பெண்கள் புகார் செய்ய முன்வருவதில்லை. அதேபோல், சில பெண்கள் நன்றாக சம்பாதிப்பதால் துன்புறுத்தலை பொறுத்துக் கொள்கிறார்கள். அதையும் மீறினால் நடிகைகளுக்கு தடை செய்யப்படும் சம்பவமும் நிகழ்கிறது.

சின்மயிக்கு ஆதரவாக ஆரம்பத்தில் இருந்து குரல் கொடுத்தேன். ஆனால் அவரை நடிகர் ராதாரவி சங்கத்தில் இருந்து நீக்கினார். ஸ்ரீரெட்டிக்கு உறுப்பினர் அட்டை கூட கொடுக்கப்படவில்லை. இதனால் அவரால் சீரியல்களில் நடிக்க முடியாத நிலை உள்ளது. பாலியல் குற்றச்சாட்டுக்கு ஆதாரம் கேட்டால் எப்படி கொடுப்பது. வேண்டும் என்றால், சிபிஐ மூலம் உண்மை கண்டறியும் சோதனை நடத்தலாம்.

குழந்தையாக நடிக்கும்போது கூட பாலியல் தொல்லை தருகிறார்கள். நான் குழந்தையாக நடிக்கும்போது இதேபோன்ற சிக்கலை எதிர்கொண்டேன். என் அம்மாவிடம் சொல்லி இந்த பிரச்னையை எழுப்பியபோது 75 சதவீதம் முடிந்த இந்தி படத்தில் இருந்து வெளியேற்றப்பட்டேன்.

இவ்வாறு அவர் கூறியுள்ளார்.

• 
  பதட்டத்துடன் சிக்கந்தர் படப்பிடிப்பை நடத்திய ஏ.ஆர். முருகதாஸ்
• 
  என் சகோதரி நல்லா நடித்திருக்கிறாரா? - பிரித்விராஜிடம் விசாரித்த ...
• 
  நடிகை ரகுல் ப்ரீத் சிங் கணவரின் வீட்டில் குடியேறும் ஷாருக்கான்!
• 
  சித்தார்த் - கியாரா திருமணத்தால் பல நாட்கள் அழுதேன் ; கிச்சா சுதீப் மகள் ...
• 
  சல்மான்கான் குடும்பத்தினருடன் 'சிக்கந்தர்' படம் பார்த்த ஏ.ஆர் ...

• 
  வள்ளியின் வேலன் தொடரில் கவர்னர் வேடத்தில் இனியா
• 
  கடன் வாங்கி நடுத்தெருவுக்கு வந்தேன் - நீலிமா ராணி ஓப்பன் டாக்
• 
  இதயம் சீரியலிலிருந்து விலகிய கதாநாயகி
• 
  இப்படி செய்தால் வாய்ப்பு கிடைக்குமா? : சிவாங்கி நெத்தியடி பதில்
• 
  கார் தவணை கூட கட்டமுடியாத கஷ்டம்! ஆனால் இப்போது?