Dinamalar

கார் விபத்தில் குடும்பத்துடன் சிக்கிய சீரியல் நடிகர்

'வானத்தைப் போல' தொடர் அண்ணன் - தங்கை பாசத்தை மையமாக வைத்து ஹிட் அடித்து வருகிறது. இதில், முத்தையா என்ற குணச்சித்திர கதாபாத்திரத்தில் நடிகர் மனோஜ் குமார் நடித்து வருகிறார். இவருக்கு வயது 67.

சமீபத்தில் நடிகர் மனோஜ் குமார் அவரது மனைவி செல்வி மற்றும் உதவியாளர் ரகுபதி ஆகியோருடன் காரில் தேனிக்கு சென்று கொண்டிருந்தார். அப்போது விழுப்புரம் அருகே சென்று கொண்டிருந்த வண்டி கட்டுப்பாட்டை இழந்து சாலையோர பள்ளத்தில் விழுந்தது. இதில் காரில் பயணம் செய்த மூவருமே படுகாயமடைந்து, மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இதனால் அவர் சில நாட்கள் ஷூட்டிங்கிற்கு வரமாட்டார் என தெரிய வருகிறது.

ஏற்கனவே இந்த தொடரில் இருந்து ஹீரோ தமன் குமார் ஹீரோயின் ஸ்வேதா மற்றும் சங்கரேஷ் ஆகிய மூவரும் விலகி விட்டனர். தற்போது முக்கிய கதாபாத்திரத்தில் நடித்து வரும் மனோஜ் குமாரும் ஷூட்டிங்கில் கலந்து கொள்ள முடியாத சூழ்நிலை உருவாகியுள்ளது. இதனால், சீரியல் குழுவினர் சோகமடைந்துள்ளனர்.

நடிகர் மனோஜ் குமார், தமிழில் 'கேடி பில்லா கில்லாடி ரங்கா' உள்ளிட்ட சில படங்களில் நடித்துள்ளார். இவர் இயக்குநர் பாரதி ராஜாவின் உறவினர் என்பது குறிப்பிடத்தக்கது.

• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா
• 
  ரூ. 40க்கு தனது சாப்பாடு தரும் அர்ஜித் சிங்

• 
  குடியிருந்த கோயில், அண்ணாமலை, சிங்கம் 3 - ஞாயிறு திரைப்படங்கள்
• 
  சோனி விழா : வருகிறது புதிய சேனல்
• 
  தில்லானா மோகனாம்பாள், நட்புக்காக, கொம்பன் - ஞாயிறு திரைப்படங்கள்
• 
  திருவண்ணாமலையில் ஏறிய நடிகையிடம் வனத்துறை விசாரணை
• 
  பராசக்தி, சிவகாசி, டிராகன் - ஞாயிறு திரைப்படங்கள்