Dinamalar

நடிப்பு திலகம் சிவாஜிக்கு டூடுல் வெளியிட்டு கவுரவித்த கூகுள்

சென்னை: நடிகர் சிவாஜி கணேசனின் 93வது பிறந்தநாளான இன்று (அக்.,01) அவரை கவுரவிக்கும் வகையில் கூகுள் நிறுவனம் டூடுல் வெளியிட்டுள்ளது.

நடிகர் சிவாஜி கணேசன், திரைப்படம் நடிக்க துவங்கும் முன், மேடை நாடகங்களில் நடித்து வந்தார். ‛சிவாஜி கண்ட இந்து ராஜ்யம் என்ற நாடகத்தில் பேரரசர் சிவாஜியாக நடித்த கணேசனின் நடிப்புத்திறனை பாராட்டிய ஈ.வெ.ரா., அவரை ‛சிவாஜி கணேசன் என அழைத்தார். பிறகு அதுவே அவரது பெயராக நிலைத்தது. 1952ல் வெளிவந்த ‛பராசக்தி படம் மூலம் திரையுலகுக்குள் நுழைந்த அவர் 300க்கும் மேற்பட்ட தமிழ் படங்கள், 9 தெலுங்கு படம், இரண்டு ஹிந்தி படம், ஒரு மலையாள படத்திலும் நடித்துள்ளார்.

செவாலியர் பட்டம் பெற்ற முதல் இந்தியரான சிவாஜி கணேசன், கலைமாமணி விருது, பத்மஸ்ரீ விருது, பத்ம பூஷண் விருது, தாதா சாகேப் பால்கே விருது என பல விருதுகளை பெற்றுள்ளார். இவருடைய பிறந்தநாள் அரசு விழாவாக கொண்டாடப்படும் என தமிழக அரசு அறிவித்தது. சிவாஜி கணேசனின் 93வது பிறந்தநாளான இன்று, அவரை கவுரவிக்கும் வகையில், உலகளவில் தேடுபொறியில் முன்னணி நிறுவனமாக திகழும் கூகுள், தனது இணையப்பக்கத்தில் சிவாஜி கணேசனுக்கு டூடுல் வெளியிட்டுள்ளது. நுபுர் ராஜேஷ் சோக்சி என்பவர் வடிவமைத்த இந்த டூடுலை திரையுலகினர் மட்டுமின்றி சினிமா ரசிகர்களும் வரவேற்றுள்ளனர்.

முதல்வர் ஸ்டாலின் மரியாதை
சிவாஜி கணேசனின் பிறந்தநாளை முன்னிட்டு முதல்வர் ஸ்டாலின், சென்னை அடையாறில் உள்ள சிவாஜியின் மணிமண்டபத்துக்கு சென்றுமாலை அணிவித்து மரியாதை செலுத்தினார். சிவாஜியின் குடும்பத்தினரான ராம்குமார், பிரபு, விக்ரம் பிரபு உள்ளிட்டோரும் மரியாதை செலுத்தினர். முதல்வர் வருகைக்கு பிரபு நன்றி தெரிவித்திருக்கிறார்.

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு

• 
  ராமாயணா டைட்டில் வீடியோ 9 நகரங்களில் வெளியாகிறது
• 
  நிவின் பாலி ஜோடியாக ப்ரீத்தி முகுந்தன்
• 
  'எம்ஜிஆரின் பரிசுத்த நினைப்பே படத்தின் தலைப்பு'... “திருடாதே”
• 
  தெலுங்கில் லாபக் கணக்கை ஆரம்பித்த 'குபேரா'
• 
  சிம்பு - வெற்றிமாறன் படத்தின் அடுத்த அப்டேட் ?