Dinamalar

10 வருடத்திற்கு பிறகு ஹீரோயினாக நடித்த ஷெரின்

கன்னடத்தில் இருந்து தமிழுக்கு வந்தவர் ஷெரின். தனுஷ் அறிமுகமான துள்ளுவதோ இளமை படத்தில் அவருக்கு ஜோடியாக அறிமுகமானார். அதன்பிறகு ஜெயா, ஸ்டூடன்ட் நம்பர் 1, விசில், கோவில்பட்டி வீரலட்சுமி, உற்சாகம் உள்பட பல படங்களில் நடித்தார். கடைசியாக 2011ம் ஆண்டு பூவா தலையா படத்தில் ஹீரோயினாக நடித்தார்.

தற்போது 10 வருடங்களுக்கு பிறகு ரஜினி என்ற படத்தில் ஹீரோயினாக நடித்திருக்கிறார். வைத்தியநாதன் பிலிம் கார்டன் பட நிறுவனம் சார்பில் வி.பழனிவேல் தயாரிப்பில் உருவாகி உள்ள படத்தை ஏ.வெங்கடேஷ் இயக்கி உள்ளார். விஜய் சத்யா கதாநாயகனாக நடிக்கிறார். மற்றும் வனிதா, மூக்குத்தி முருகன், குக் வித் கோமாளி பாலா, இமான் அண்ணாச்சி ஆகியோர் நடித்துள்ளனர்.

படம் பற்றி இயக்குனர் வெங்கடேஷ் கூறியதாவது: படப்பிடிப்பு முழுவதும் முடிவடைந்து விட்டது தற்போது டப்பிங் பணிகள் பரபரப்பாக நடைபெற்று வருகிறது. திரில்லர், ஆக்க்ஷன் கலந்த ஒரு வித்தியாசமான படமாக இதை உருவாக்கி உள்ளேன். ரஜினி ரசிகரான விஜய் சத்யா தனது வாழ்வில் எதிர்பாராத விஷயமாக ஒரு பிரச்சனையில் மாட்டிக்கொள்கிறார். அது என்ன மாதிரியான சிக்கல்கள் அதிலிருந்து எப்படி மீள்கிறார் என்பதுதான் படத்தின் திரைக்கதை.

அவருடன் முக்கிய கதாபாத்திரத்தில் நாய் ஒன்று நடித்துள்ளது. நான் இயக்கிய படங்களிலேயே இந்த படத்தில் தான் ஒரு மிருகத்தை நடிக்க வைத்திருக்கிறேன். அந்த நாய் வரும் காட்சிகள் அனைத்தும் சிறப்பாக இருக்கும், விஜய் சத்யா இந்த படத்திற்கு பிறகு அவருக்கு பெரிய எதிர்காலம் காத்திருக்கிறது. அப்படி சிறப்பான நடிப்பை இந்த படத்தில் வெளிப்படுத்தி இருக்கிறார். என்றார்

• 
  என் மகளை கேலி செய்வதா? நடிகர் அபிஷேக் பச்சன் ஆவேசம்
• 
  அக்சய்குமார் படத்தை கைப்பற்றிய ஓடிடி நிறுவனம்
• 
  சபாஷ் மிது எப்போது ரிலீஸ்
• 
  முத்தம் தரும் படத்தால் சிக்கலில் சிக்கிய ஹிந்தி நடிகை
• 
  மேடே, ரன்வே 34 ஆனது : ஏப்ரல் 29ல் ரிலீஸ்

• 
  எங்கள் வீடு... இரண்டு நடிகைகள் வீடு: பூஜா கண்ணன்
• 
  மலையாளத்தில் நுழைந்த சஞ்சனா நடராஜன்
• 
  ரூ.400 கோடி பட்ஜெட்டில் பிரபாஸ் - தீபிகா படுகோனே இணையும் படம்!
• 
  ராதே ஷ்யாம் டப்பிங்கை முடித்த பூஜா ஹெக்டே
• 
  காதலன் மீது மோசடி புகார் கொடுத்த பிக்பாஸ் ஜூலி!