Dinamalar

பீஸ்ட் படத்தில் வில்லனாக டான்சிங் ரோஸ்?

விஜய் - நெல்சன் திலீப்குமார் கூட்டணியில் பீஸ்ட் திரைப்படம் உருவாகி வருகிறது. பூஜா ஹெக்டே இந்தப் படத்தில் கதாநாயகியாக நடிக்கிறார். முதற்கட்ட படப்பிடிப்பை ஜார்ஜியாவில் முடித்த பிறகு தற்போது சென்னையில் அடுத்த கட்ட படப்பிடிப்புகள் நடைபெற்று வருகிறது. பீஸ்ட் படத்தில் மூன்று வில்லன்கள் நடிப்பதாக தகவல் வெளியாகியுள்ளது.

அதில் ஒரு வில்லனாக பிரபல மலையாள நடிகர் ஷைன் டாம் சாக்கோ இணைந்து நடித்து வருகிறார். அதையடுத்து இயக்குனர் செல்வராகவன் இப்படத்தில் நடிக்கவுள்ளதாக அதிகாரப்பூர்வ அறிவிப்பு வெளியிடப்பட்டுள்ளது. தற்போது மூன்றாவது வில்லனாக டான்சிங் ரோஸ் நடிகர் இணைந்துள்ளதாகக் கூறப்படுகிறது.

சார்பட்டா பரம்பரை படத்தில் டான்சிங் ரோஸ் என்ற கதாபாத்திரத்தில் நடித்திருந்தவர் சபீர் கலரக்கல். சபீர் இதற்கு முன்பு பேட்ட, டெடி, அடங்க மறு உள்ளிட்ட படங்களில் சிறிய கதாபாத்திரங்களில் நடித்துள்ளார். சார்பட்டா பரம்பரை திரைப்படத்திற்காக சபீர் தனது உடலை வெறித்தனமாகக் குறைத்து அசல் பாக்சிங் வீரர் போல நடித்து அனைவரையும் அதிர வைத்தார். இப்படியாக மிரட்டல் வில்லன்கள் படத்தில் இணைந்துள்ளதால் பீஸ்ட் படத்திற்கு இமாலய எதிர்பார்ப்பு உருவாகியுள்ளது. அபர்ணா தாஸ், யோகிபாபு, விடிவி கணேஷ் உள்ளிட்டோரும் முக்கிய கதாபாத்திரங்களில் நடித்து வருகிறார்கள்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...
• 
  தக் லைப் - நடிகர் ரகுமான் மகள் அறிமுகம்: ஏஆர் ரகுமான் வாழ்த்து
• 
  மகன் அகில் திருமணம்: அம்மா அமலா நெகிழ்ச்சிப் பதிவு
• 
  'கல்கி 2' படத்தில் தீபிகா நடிக்கிறார்: விலகல் செய்தி வதந்தி…