Dinamalar

'நவரசா'வைத் தொடர்ந்து வரும் அடுத்த ஆந்தாலஜி 'கசடதபற'

தமிழ் சினிமாவில் கடந்த சில வருடங்களில் 'ஆந்தாலஜி' வகைப் படங்களையும் எடுத்து தியேட்டர்களிலும், ஓடிடி தளங்களிலும் வெளியிடுகிறார்கள்.

அந்தக் காலத்திலேயே இந்த மாதிரியான ஒரே படத்தில் இடம் பெறும் வெவ்வேறு கதைகளைக் கொண்ட ஆந்தாலஜி படங்கள் வெளிவந்துள்ளன. இன்றைய தலைமுறை ரசிகர்களுக்குச் சொல்ல வேண்டும் என்றால் இதற்கு முன்பு 'பெஞ்ச் டாக்கீஸ், அவியல், டூரிங் டாக்கீஸ், 6 அத்தியாயம், சில்லு கருப்பட்டி, குட்டி ஸ்டோரி, கேர் ஆப் காதல்' ஆகிய ஆந்தாலஜி படங்கள் தியேட்டர்களில் வெளியானது.

ஓடிடி தளங்களில், “புத்தம் புது காலை, பாவக் கதைகள்', இரு தினங்களுக்கு முன்பு 'நவரசா' ஆகிய ஆந்தாலஜி படங்கள் வெளியாகின. இத்தனை ஆந்தாலஜி படங்களில் ஒன்றுக்கு மேற்பட்ட கதைகள் இடம் பெற்றிருந்தாலும் அவற்றில் ஒரு சில மட்டும்தான் ரசிக்கும்படியாக இருந்தன. சில கதைகள் சீரியல்களை விட மோசமாக இருந்தது என்பதுதான் ரசிகர்களின் கருத்தாக இருக்கிறது.

அந்த வரிசையில் அடுத்து வெங்கட் பிரபு தயாரிப்பில் 'இம்சை அரசன் 23ம் புலிகேசி' இயக்குனர் சிம்புதேவன் இயக்கியுள்ள 'கசடதபற' சோனி லிவ் ஓடிடி தளத்தில் வர உள்ளது. இப்படத்திற்கான பிரமோஷனை இன்றே ஆரம்பித்துவிட்டார்கள். வெங்கட்பிரபு, சிம்புதேவன் உள்ளிட்ட படக்குழுவினர் 'கசடதபற' என்ற தலைப்பின் ஒவ்வொரு எழுத்தையும் ஒன்றன் பின் ஒன்றாக இடைவெளிவிட்டு டுவீட் செய்து வருகிறார்கள்.

'கசடதபற' ஆந்தாலஜி படத்தில் உள்ள ஆறு கதைகளையும் சிம்புதேவன் மட்டுமே இயக்கியிருக்கிறார். சுந்தீப் கிஷன், ஹரிஷ் கல்யாண், பிரியா பவானி சங்கர், ரெஜினா, சாந்தனு, பிரேம்ஜி அமரன், வெங்கட் பிரபு, விஜயலட்சுமி, ஜனனி ஆகியோர் நடித்துள்ளார்கள்.

நவரசா ரசிகர்களுக்குத் தந்த ஏமாற்றத்தை கசடதபற தராது என எதிர்பார்ப்போம்.

• 
  கும்பமேளாவில் துறவறம் பூண்டார் நடிகை மம்தா குல்கர்னி
• 
  கும்பமேளாவில் பாசி மணி ஊசி விற்றவர் : சினிமா நடிகை ஆகிறார் மோனலிசா
• 
  15 ஆயிரம் கோடி குடும்ப சொத்தை இழக்கிறார் சைப் அலிகான்
• 
  எப்போதுமே டிவி சீரியல்களில் நடிக்க மாட்டேன்: நடிகை சுமன் ராணா ...
• 
  உயிரை காத்த ஆட்டோ ஓட்டுநரை சந்தித்து கவுரவித்த சைப் அலிகான்

• 
  நமது தேசத்திற்கு எனது பங்களிப்பு அங்கீகரிக்கப்பட்டுள்ளதை பாக்கியமாகக் ...
• 
  நடிகர் அஜித், நடிகை ஷோபனாவிற்கு பத்ம பூஷன் விருது
• 
  இயக்குனரைக் கவர்ந்த ராஷ்மிகாவின் கண்கள்
• 
  ஓராண்டிற்கு பின் இந்து தமிழ் முறைப்படி இரண்டாவது முறை திருமணம் செய்த ...
• 
  வீடு வாடகை பிரச்னை ; கலைமாமணி பட்டத்தை காணவில்லை : கதறும் கஞ்சா கருப்பு