பெரும் சிக்கலில் பெரிய பட்ஜெட் படங்கள்

13 மே, 2021 - 11:43 IST

0 கருத்துகள் கருத்தைப் பதிவு செய்ய

எழுத்தின் அளவு:

'பாகுபலி' படங்களின் பிரம்மாண்ட வெற்றிக்குப் பிறகு தென்னிந்திய அளவில் பெரிய பட்ஜெட் படங்கள் சில உருவாகி வருகின்றன. பிரபாஸ் நடிக்கும் 'ராதே ஷ்யாம்', ராஜமவுலி இயக்கும் 'ஆர்ஆர்ஆர்', அல்லு அர்ஜுன் நடிக்கும் புஷ்பா, மணிரத்னம் இயக்கும் 'பொன்னியின் செல்வன்', ஷங்கர் இயக்கும் 'இந்தியன் 2', மலையாளத்தில் மோகன்லால் நடிக்கும் 'மரைக்கார்', தெலுங்கில் சிரஞ்சீவி நடிக்கும் 'ஆச்சார்யா' ஆகிய படங்கள் அவற்றில் சில முக்கியமான படங்கள்.

இவற்றில் சில படங்கள் கடந்த வருடமே வந்திருக்க வேண்டியவை. ஆனால், கொரோனாதொற்று காரணமாக அவற்றின் படப்பிடிப்பு திட்டமிட்டபடி நடத்தி முடிக்க முடியாததால் அவை இந்த வருடத்திற்குத் தள்ளிப் போயின. இருந்தாலும், இந்த வருடமும் அந்தப் படங்கள் வெளிவருமா என்பது சந்தேகமாகத்தான் உள்ளது.

மேலே, குறிப்பிட்ட படங்களில் 'மரைக்கார்' படம் மட்டுமே வெளியீட்டிற்குத் தயாராக உள்ளது. மற்ற படங்களின் படப்பிடிப்புகள் இன்னும் முழுமையாக முடியவில்லை. அந்தப் படம் சம்பந்தப்பட்ட சில ஹீரோக்கள் கொரானோ தொற்றால் பாதிக்கப்பட்டுள்ளனர். அவர்கள் நலமுடன் திரும்பி வந்தாலும் உடனடியாக படப்பிடிப்பில் கலந்து கொள்ள வாய்ப்பில்லை.

அந்தப் படங்கள் அனைத்துமே பல கோடி ரூபாய் செலவில் தயாராகி வரும் படங்கள். வெளியீட்டில் தாமதம் ஆக ஆக அந்தப் படங்களின் செலவினமும் அதிகமாகி வரும். அதனால், படத் தயாரிப்பாளர்கள் பெரும் சிக்கலை சந்திக்கவும் வாய்ப்புள்ளது.

படம் தயாராகி வெளிவரும் சமயத்தில் வேறு எந்த பிரச்சினையும் இருக்கக் கூடாது. மக்கள் அனைவரும் தியேட்டர்களுக்குத் திரும்பி வந்தால்தான் அவர்கள் செலவழித்த பல கோடி முதலீட்டைத் திரும்பப் பெற முடியும்.

RRRfilm

Ponniyinselvan

Indian2

Pushpa

கருத்துகள் (0) கருத்தைப் பதிவு செய்ய

காதலருடன் லாக்டவுனில் ஸ்ருதிஹாசன்

சமூக வலைத்தளங்களில் வைரலாகும் 'கோ, ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய