Dinamalar

டிவியில் நேரடியாக வெளியாகும் 'மண்டேலா'

கொரோனா காலத்தில் தியேட்டர்கள் மூடப்பட்ட காரணத்தால் ஓடிடி தளங்களில் புதிய படங்கள் வெளியாகின. ஓடிடி தளங்களில் படங்களைப் பார்க்க வருட சந்தா கட்டி உறுப்பினராக வேண்டும்.

ஆனால் டிவிக்களில் படம் பார்க்கத் தனியாகப் பணம் கட்ட வேண்டாம். ஏற்கெனவே வைத்திருக்கும் கேபிள் டிவி வசதியே போதும். ஓடிடிக்குப் போட்டியாக போகிற போக்கில் டிவிக்களிலேயே நேரடியாக புதிய படங்களை வெளியிட ஆரம்பித்துவிடுவார்கள் போலிருக்கிறது.

'நாங்க ரொம்ப பிஸி, புலிக்குத்தி பாண்டி, ஏலே' படங்களின் வரிசையில் அடுத்து யோகி பாபு நடித்துள்ள 'மண்டேலா' படமும் நேரடியாக டிவியில் வெளியாக உள்ளது.

அடுத்த வாரம் ஏப்ரல் 4ம் தேதி விஜய் டிவியில் 'மண்டேலா' படத்தை நேரடியாக வெளியிடுகிறார்கள். இன்று இப்படத்தின் டிரைலரை வெளியிட்டு அதனுடன் டிவி வெளியீட்டைப் பற்றியும் அறிவித்துள்ளார்கள்.

இப்படத்தைத் தயாரித்த நிறுவனம் தான் ஏற்கெனவே 'ஏலே' படத்தை டிவியில் நேரடியாக வெளியிட்டது. தொடர்ந்து இந்நிறுவனம் அடுத்தடுத்து இரண்டு படங்களை டிவியில் நேரடியாக வெளியிடுவதால் வினியோகஸ்தர்களும், தியேட்டர்காரர்களும் தயாரிப்பு நிறுவனத்தின் மீது கடும் கோபத்தில் உள்ளார்கள்.

• 
  மம்முட்டி தயாரித்துள்ள குறும்படத்தில் கதாநாயகியாக மஞ்சு வாரியர்
• 
  ஷாருக்கானின் 60வது பிறந்தநாளில் வெளியான கிங் படத்தின் டீசர்!
• 
  வாரிசு பட இயக்குனரின் அடுத்த படத்தில் நடந்த ட்விஸ்ட்!
• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு

• 
  விஜயுடன் இணைய தயார்: ‛புலி' பட தயாரிப்பாளர் அறிவிப்பு
• 
  உண்மை சம்பவம் பின்னணியில் உருவான ‛ரோஜா மல்லி கனகாம்பரம்'
• 
  ‛போலீஸ் ஸ்டேஷன் மெயின் பூத்': ரம்யா கிருஷ்ணனின் பர்ஸ்ட் லுக் போஸ்டர் ...
• 
  ராஷ்மிகாவின் ‛மைசா' படப்பிடிப்பு கேரளா அதிரப்பள்ளி காட்டுப் பகுதியில் ...
• 
  அஜித் 64வது படம் : பிளானை மாற்றிய ஆதிக் ரவிச்சந்திரன்!