Dinamalar

தமிழில் ஆர்வம் காட்டும் தமன்

ஷங்கர் இயக்கத்தில் வெளிவந்த 'பாய்ஸ்' படத்தில் நடிகராக அறிமுகமானவர் தமன். இசைக் குடும்பத்தில் இருந்த வந்த தமன் அதன்பின் நடிப்பில் ஆர்வம் காட்டாமல் இசையமைப்பதில் தான் அதிக ஆர்வம் காட்டினார்.

தமிழ், தெலுங்கில் பல படங்களுக்கு இசையமைத்திருந்தாலும் முன்னணி இசையமைப்பாளர்களில் ஒருவராக வராமல் இருந்தார். தெலுங்கில் அவர் இசையமைத்து கடந்த வருடம் வெளிவந்த 'அலா வைகுந்தபுரம்லோ' படத்தின் பாடல்கள் பெரும் ஹிட்டானதைத் தொடர்ந்து தெலுங்கில் பல முன்னணி நடிகர்களின் படங்களுக்கும் இசையமைக்கும் வாய்ப்பைப் பெற்றார்.

தமிழில், ஏஆர் முருகதாஸ் - விஜய் மீண்டும் இணைவதாக இருந்த படத்தின் இசையமைப்பாளராக ஒப்பந்தம் செய்யப்பட்டார். ஆனால், அந்தப் படம் கைவிடப்பட்டது. அதில் மிகவும் வருத்தப்பட்ட தமன், விரைவில் விஜய் நடிக்கும் படத்திற்கு இசையமைப்பேன் என தனது ரசிகர்களுடனான சமூக வலைத்தள சாட்டில் ரசிகர் ஒருவரின் கேள்விக்குப் பதிலளித்தார்.

தமிழில் சீக்கிரமே மற்ற முன்னணி நடிகர்களான அஜித், சூர்யா ஆகியோரது படங்களுக்கும் இசையமைக்கும் ஆர்வத்தில் இருக்கிறேன் என தமன் தெரிவித்துள்ளார்.

தற்போது தெலுங்கில் நான்கு படங்களுக்கும், கன்னடம், மலையாளம், ஹிந்தி ஆகிய மொழிகளில் தலா ஒரு படத்திற்கும் இசையமைத்து வருகிறார் தமன்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி