Dinamalar

பேய் பயத்துடன் பேயாக நடித்தேன்: காஜல்

வெங்கட்பிரபு இயக்கத்தில் உருவாகி உள்ள லைவ் டெலிகாஸ்ட் என்ற வெப் சீரிசில் நடித்திருக்கிறார் காஜல் அகர்வால். இது நாளை(பிப்., 12) ஓடிடி தளத்தில் வெளியாகிறது. இதில் நடித்திருப்பது குறித்து காஜல் அகர்வால் கூறியதாவது:

பாழைடந்த ஒரு பேய் பங்களாவில் ஒரு தொலைக்காட்சி தொடரை படம்பிடிக்க போகும் குழுவினருக்கு ஏற்படும் அனுபவங்கள் தான் வெப் சீரிசின் கதை. அந்த குழுவில் ஒருத்தியாக நான் நடித்துள்ளேன். நாங்கள் படப்பிடிப்புக்கு தேர்ந்தெடுத்த இடம் மிக மிக பொருத்தமானது. இயக்குனர் வெங்கட் பிரபுவின் தோழர் ஒருவருடைய வீடு அது. மலையின் உச்சியில் இருக்கும் அந்த வீடு அங்கு தனித்து இருந்த வீடாகும்.

படப்பிடிப்பு பெரும்பாலும் அங்கேயே தான் நடந்தது. படப்பிடிப்புக்கு பின்னரும் அந்த இடம் தந்த அச்சம் காரணமாக என்னால் தூங்க கூட முடியவில்லை. படப்பிடிப்பு இல்லாத நேரத்தில் கூட அந்த வீட்டிலேயே நான் இருப்பதாக ஒரு பிரமை என்னை அச்சுறுத்திக் கொண்டே இருந்தது.
அந்த பங்களாவில் நிஜத்தில் பேய் இருக்கும் என்றே நான் கருதினேன். பேய்க்கு பயந்து கொண்டே பேயாக நடித்தது வித்தியாசமான அனுபவமாக இருந்தது. அதை இன்று நினைத்தாலும் என் குலை நடுங்குகிறது. தொடரை பார்க்கும் ரசிகர்களுக்கும் அந்த உணர்வு உண்டாகும் என்கிறார் காஜல்.

இந்த தொடரில் கயல் ஆனந்தி, ப்ரியங்கா, செல்வா, டேனியல் போப், சுப்பு பஞ்சு மற்றும் பலர் நடித்துள்ளனர்.

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  நடிகைகளை இதற்கு மட்டுமே பயன்படுத்துகிறார்கள் : ராதிகா ஆப்தே ஆதங்கம்
• 
  நிபந்தனையுடன் துல்கர் சல்மானின் லேண்ட்ரோவர் கார் திரும்ப ஒப்படைப்பு
• 
  கூகுள் கிளவுட் உடன் இணைந்த ஏஆர் ரஹ்மான்
• 
  எனக்கு பிடித்தமான ஹீரோ நானி : ருக்குமணி வசந்த்
• 
  சூர்யா 47- வது படத்தில் இணையும் பஹத் பாசில்