Dinamalar

ஜேம்ஸ்பாண்ட் படம் மீண்டும் தள்ளி வைப்பு

உலகம் முழுக்க ரசிகர்களை கொண்டிருக்கும் ஜேம்ஸ் பாண்ட் கதையின் 25வது படம் நோ டைம் டு டை. இது 25வது படம் என்பதால் ஜேம்ஸ்பாண்ட் படங்களில் இது முக்கியமானதாகும். இதனால் இதனை இதுவரை இல்லாத அளவிற்கு பிரமாண்டமாக பெரிய பட்ஜெட்டில் தயாரித்திருக்கிறார்கள்.

நான்கு படங்களில் ஜேம்ஸ்பாண்டாக நடித்த டேனியல் க்ரெய்க் இனி ஜேம்ஸ்பாண்டாக நடிக்க மாட்டேன் என்று அறிவித்த பிறகும், 25வது படம் என்பதால் இதுதான் கடைசி படம் என்று அறிவித்து நடித்திருக்கும் படம். கேரி ஜோஜி புகுனாகா இப்படத்தை இயக்கியுள்ளார். லியா செடோக்ஸ், பென் விஷா, நவோமி ஹாரிஸ், ஜெஃப்ரி ரைட், கிறிஸ்டோப் வால்ட்ஸ், உள்பட பலர் நடித்திருக்கிறார்கள்.

நோ டைம் டு டை முதலில் கடந்த ஆண்டு நவம்பர் 8ந் தேதி வெளியிட திட்டமிடப்பட்டது, கொரோனா தொற்றின் காரணமாக இந்த ஆண்டு ஏப்ரல் மாதம் வெளியிடப்படுவதாக அறிவிக்கப்பட்டிருந்தது. ஆனால் தற்போது அமெரிக்கா, இங்கிலாந்து மற்றும் ஐரோப்பிய நாடுகளில் கொரோனாவின் 2வது அலை பரவத் தொடங்கி இருப்பதால் படம் மீண்டும் தள்ளி வைக்கப்பட்டு வருகிற அக்டோபர் 8ந் தேதி வெளியிடப்படும் என்று அறிவிக்கப்பட்டுள்ளது. இதனால் ஜேம்ஸ்பாண்ட் ரசிகர்கள் ஏமாற்றம் அடைந்துள்ளனர்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்