Dinamalar

சென்னை திரைப்பட விழாவில் பரியேறும் பெருமாள், 96 படங்களுக்கு விருது

16வது சென்னை சர்வதேச திரைப்பட விழா கடந்த 13ம் தேதி சென்னையில் தொடங்கியது. தமிழக அரசின் ஆதரவுடன் இண்டோ சினி அப்ரிசியேஷன் பவுண்டேஷன் சார்பில் கடந்த 8 நாட்கள் நடந்த இந்த திரைப்பட விழாவில் 50க்கும் மேற்பட்ட நாடுகளை சேர்ந்த 150க்கும் அதிகமான திரைப்படங்கள் திரையிடப்பட்டன.

சிறந்த தமிழ்ப் படங்கள் வரிசையில் 96, அபியும் அனுவும், அண்ணனுக்கு ஜே, ஜீனியஸ், இரவுக்கு ஆயிரம் கண்கள், இரும்புத்திரை, கடைக்குட்டி சிங்கம், மெர்குரி, பரியேறும் பெருமாள், ராட்சசன், வடசென்னை, வேலைக்காரன் ஆகிய 12 படங்கள் திரையிடப்பட்டன. சிறப்புத் திரையிடலாக 'மேற்கு தொடர்ச்சி மலை' திரையிடப்பட்டது.

இதில் பரியேறும் பெருமாள், 96 ஆகியவை சிறந்த படங்களாகத் தேர்வு செய்யப்பட்டன. 'பரியேறும் பெருமாள்' படத்தின் தயாரிப்பாளர் பா.இரஞ்சித்துக்கு ரூ.1 லட்சமும், இயக்குநர் மாரி செல்வராஜுக்கு ரூ.2 லட்சமும் பரிசு அளிக்கப்பட்டது.

விஜய்சேதுபதி, த்ரிஷா நடிப்பில் வெளியான '96' படம் இரண்டாவது சிறந்த திரைப்படமாக தேர்வு செய்யப்பட்டது. அப்படத்தின் இயக்குநர் பிரேம் குமாருக்கும், தயாரிப்பாளர் நந்தகோபாலுக்கும் தலா ரூ.1 லட்சம் பரிசு அளிக்கப்பட்டது.

வட சென்னை படத்தின் இயக்கத்துக்காவும், அண்ணனுக்கு ஜே படத்தின் தயாரிப்புக்காகவும் இயக்குநர் வெற்றிமாறனுக்கு நடுவர் குழுவின் சிறப்புப் பரிசு அளிக்கப்பட்டது. அவருக்கு ரூ.1 லட்சம் பரிசு அளிக்கப்பட்டது. நேற்று இரவு நடந்த நிறைவு விழாவில் தமிழக அரசின் செய்தி விளம்பரத்துறை அமைச்சார் கடம்பூர் ராஜூ இந்த பரிசுகளை வழங்கினார்.

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  நடிகைகளை இதற்கு மட்டுமே பயன்படுத்துகிறார்கள் : ராதிகா ஆப்தே ஆதங்கம்
• 
  நிபந்தனையுடன் துல்கர் சல்மானின் லேண்ட்ரோவர் கார் திரும்ப ஒப்படைப்பு
• 
  கூகுள் கிளவுட் உடன் இணைந்த ஏஆர் ரஹ்மான்
• 
  எனக்கு பிடித்தமான ஹீரோ நானி : ருக்குமணி வசந்த்
• 
  சூர்யா 47- வது படத்தில் இணையும் பஹத் பாசில்