Dinamalar

கேரள திரைப்பட விழாவில் வஸந்த் படம்

கேரளாவில் ஆண்டு தோறும் சர்வதேச திரைப்பட விழா நடத்தப்பட்டு வருகிறது. இந்த ஆண்டுக்கான 23வது சர்வதேச திரைப்பட விழா இன்று மாலை 6 மணிக்கு தொடங்குகிறது. வருகிற 13ந் தேதி வரை 7 நாட்கள் நடக்கிறது. இதில் 120 நாடுகளைச் சேர்ந்த சுமார் 140 படங்கள் திரையிடப்படுகிறது.

சர்வதேச திரைப்பட விழாவில் தினமும் நடக்கும் விவாத அரங்கில் இயக்குனர்கள் சுவாதி சிந்து மோகன், சுதா, மீனா பிள்ளை, புத்ததேவ தஷ்குப்தா, கமல், மஜித் மஜிதி (ஈரான்), பினா பவுல், உமேஷ் குல்கர்னி, வெங்கடேஸ்வரன், வெற்றிமாறன், ஷாஜி, நடிகையும், இயக்குனருமான நந்திதாதாஸ் ஆகியோர் கலந்து கொண்டு உரையாடுகிறார்கள். இறுதி நாளில் சிறந்த படங்களுக்கு கேரள முதல்வர் பினராய் விஜயன் விருது வழங்குகிறார்.

இந்த விழாவில் வஸந்த் இயக்கி உள்ள, சிவரஞ்சனியும் இன்னும் சில பெண்களும் என்ற தமிழ் படம் திரையிடப்படுகிறது. பார்வதி, லட்சுமி பிரியா சந்திரமவுலி, காளீஸ்வரி ஸ்ரீனிவாசன், கருணாகரன், கார்த்திக் கிருஷ்ணா, மாரிமுத்து உள்பட பலர் நடித்துள்ளனர். என்.கே. ஏகாம்பரம் மற்றும் ரவிசங்கரன் ஆகியோர் ஒளிப்பதிவு செய்துள்ளனர். எழுத்தாளர்கள் அசோகமித்ரன், ஆதவன் மற்றும் ஜெயமோகன் ஆகியோரின் சிறுகதைகளை கொண்டு இந்தப் படம் தயாராகி உள்ளது. சமீபத்தில் நடந்த மும்பை திரைப்பட விழாவில் பலரின் கவனத்தை ஈர்த்த படம் இது.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?