மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
தமிழ்த் திரையுலகத்தில் ஏராளமான சூப்பர் ஹிட் பாடல்களைக் கொடுத்தவர் இளையராஜா. அவருடைய இசையாலும், பாடல்களாலும் முன்னுக்கு வந்தவர்கள் எவ்வளவோ பேர். ஆனால், கடந்த சில வருடங்களாக தன்னுடைய பாடல்களைப் பயன்படுத்த இளையராஜா கடுமையான கட்டுப்பாடுகளைக் கொண்டு வந்தார்.
அவருடைய பாடல்களை மேடைகளில் பாட காப்புரிமை வழங்க வேண்டும் என்றார். இதனால், அவருக்கும் பின்னணிப் பாடகர் எஸ்பி பாலசுப்பிரமணியத்திற்கும் கூட மோதல் உருவானது. காப்புரிமை பிரச்சினையால் எப்எம் வானொலிகளும் இளையராஜாவின் பாடல்களை ஒலிபரப்புவதை நிறுத்திக் கொண்டன.
இளையராஜா அவருடைய பாடல்களை மேடைக் கலைஞர்கள் பயன்படுத்த எந்தவிதமான கட்டுப்பாட்டையும் விதிக்கவில்லை. அவர்கள் அதை இலவசமாகப் பயன்படுத்திக் கொள்ளலாம் என்று தெரிவித்தார்.
தனக்கென தனி இணையதளம், யு டியூப் சேனல் என தன் பாடல்கள் அனைத்தையும் அவற்றில் இடம் பெற வைத்தார் இளையராஜா.
நேற்று இளையராஜா திடீரென ஒரு வீடியோவை வெளியிட்டார். அதில் அவருடைய பாடலை பயன்படுத்துவதற்கு காப்புரிமை பெற வேண்டும் என்றும், அதை வசூலிக்கும் வேலையை திரையிசைக் கலைஞர்கள் சங்கத்திடம் ஒப்படைத்துவிட்டதாகவும் தெரிவித்தார்.
இளையராஜா பாடல்களை கச்சேரிகளில் பயன்படுத்த எவ்வளவு கட்டணம் என்பதை திரையிசைக் கலைஞர்கள் சங்கம் வெளியிட்டுள்ளதாக ஒரு தகவல் வெளியாகி இருக்கிறது.
அதன்படி, ஒரு ஆண்டுக்கு, வெளிநாட்டுக் கச்சேரிகளுக்கு ஏ பிரிவினருக்கு 20 லட்சம், பி பிரிவினருக்கு 15 லட்சம், சி பிரிவினருக்கு 10 லட்சம் நிர்ணயிக்கப்பட்டுள்ளதாம்.
இந்தியாவில் அங்கீகரிக்கப்பட்ட அறக்கட்டளை நடத்தும் நிகழ்ச்சிகள், கல்யாணம், பிறந்தநாள் மற்ற நிகழ்ச்சிகள், கோயில்கள், கல்வி நிறுவனங்கள் ஆகியவற்றில் பயன்படுத்திக் கொள்ள கட்டணம் எதுவும் இல்லையாம்.
ஏ, பி, சி ஆகிய பிரிவுகள், சீனியாரிட்டி அடிப்படையில் வகைப்படுத்தப்பட்டுள்ளதாக கூறப்படுகிறது.