Dinamalar

பச்சை பச்சையாக கெட்ட வார்த்தை பேசிய ஐஸ்வர்யா ராஜேஷ்

தனுஷ் தயாரிப்பில் வெற்றி மாறன் இயக்கி உள்ள படம் வடசென்னை. இந்தப் படத்தில் ஐஸ்வர்யா ராஜேஷ் முக்கிய கேரக்டரில் நடித்துள்ளார். ஆனால் முதலில் ஐஸ்வர்யா, வேறொரு கேரக்டரில் நடிப்பதாக இருந்தது. அதில் நடிக்க மறுத்ததால் தற்போது அவர் நடித்துள்ள கேரக்டர் அவருக்கு வழங்கப்பட்டுள்ளது. இதுகுறித்து அவர் கூறியதாவது:

வட சென்னை படம் ஆரம்பித்த உடனேயே அதில் வாய்ப்பு கிடைத்தால் நன்றாக இருக்குமே என்று ஆசைப்பட்டேன். பலர் மூலம் வெற்றி மாறனுக்கு தூதும் விட்டேன். ஒரு நாள் அவரிடமிருந்து போன் வந்தது. அதில் ஒரு கேரக்டரை சொல்லி நடிக்கச் சொன்னார். அது சிறிய கேரக்டர் நடிக்க மறுத்து விட்டேன். அதன் பிறகு தனுஷ் ஜோடியாக நடிக்க இருப்பதாக பலரின் பெயர்கள் வெளிவந்தது. .

மீண்டும் ஒரு நாள் வெற்றி மாறன் அழைத்தார். சின்ன கேரக்டர் வேண்டாம் என்றேன். தனுசுக்கு ஜோடி நீதான் என்றார் ஆசையாக ஓடிவந்தேன். டெஸ்ட் ஷூட் வைத்தார். அதில் தேர்வானேன். அதன் பிறகுதான் எனக்குத் தெரியும். இந்த கேரக்டரில் நடிக்க முதலில் முடிவு செய்தது என்னைத்தான் என்று அதன் பிறகு பலருக்கும் சென்று கடைசியில் எனக்கே வந்தது.

இந்த கேரக்டரில் நான் நடிக்க காரணமாக இருந்தது காக்க முட்டை படத்தில் வடசென்னை பெண்ணாக நடித்திருந்ததுதான். கிளாமராக நடித்து, நன்றாக நடித்து ஒரு நடிகைக்கு திருப்புமுனை வரும், ஆனால் 2 குழந்தைக்கு அம்மாவாக நடித்து திருப்புமுனை அமைந்தது எனக்குத்தான். படத்தை பார்த்து விட்டு என்னை எல்லோரும் திட்டப்போகிறார்கள். காரணம் பச்சை பச்சையாக கெட்ட வார்த்தை பேசியிருக்கிறேன். என்றார்.

• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி
• 
  மலையாளத்தில் அறிமுகமாகும் இர்பான் கான் மகன்
• 
  துரந்தர் 3 பற்றி தயாரிப்பாளர் வெளியிட்ட சூசக தகவல்
• 
  முதல் வாரத்தில் 60 கோடி வசூலித்த 'ராஜா சிவாஜி'

• 
  முதல்வராக பொறுப்பேற்ற விஜய்; விழாவில் பங்கேற்ற திரைப்பிரபலங்கள்
• 
  தமிழைப் போலவே தெலுங்கிலும் அதிக தியேட்டர்களில் வெளியாகிறது கருப்பு
• 
  பெத்தி பட விழாவில் ஏ.ஆர்.ரஹ்மான் இசை நிகழ்ச்சி
• 
  அதிக பட்ஜெட், அதிக சம்பளம் : மாரி செல்வராஜ் படத்துக்கு சிக்கலா?
• 
  ரஜினிகாந்த், கமல்ஹாசன் இணையும் படம் இந்த சூழ்நிலையில் நடக்குமா?