Dinamalar

மாமியார் ஆனார் தேவயானி

பெங்காலி நடிகையாக இருந்து தொட்டாசினுங்கி படத்தின் மூலம் தமிழ் நடிகை ஆனவர் தேவயானி. கிளாமர் இல்லாத குடும்ப பாங்கான கேரக்டர்கள் மூலம் ரசிகர்களையும், பெண்களையும் கவர்ந்தவர். தனது கணவர் ராஜகுமாரன் இயக்கிய திருமதி தமிழ் படம் தான் கடைசியாக அவர் ஹீரோயினாக நடித்தது. அதில் ராஜகுமாரன் ஜோடியாகவே நடித்தார். அதற்கு முன்பே அக்கா, அண்ணி, கேரக்டரில் நடிக்க ஆரம்பித்து விட்டார்.

தற்போது களவாணி மாப்பிள்ளை படத்தின் மூலம் மாமியாராகியிருக்கிறார். படத்தில் அவர் தினேஷின் மாமியாராகவும், அதிதி மேனனின் தாயாகவும் நடித்துள்ளார். இதனை பழம்பெரும் தயாரிப்பாளர் மற்றும் இயக்குனர் மணிவாசகத்தின் மகன் காந்தி மணிவாசகம் இயக்கி உள்ளார். சரவணன் அபிமன்யூ ஒளிப்பதிவு செய்துள்ளார். என்.ஆர்.ரகுநந்தன் இசை அமைத்துள்ளார். படம் பற்றி காந்தி மணிவாசகம் கூறியதாவது:

என் அப்பா மணிவாசகம் ஒரு பார்முலா வைத்திருப்பார். மெலிதான ஒரு கதையில் நிறைய கமர்ஷியல் ,நிறைய காமெடி வைத்திருப்பார். அதன் படி அவர் இயக்கிய எல்லா படங்களுமே கமர்சியல் வெற்றி பெற்றது. அதைத் தான் நானும் தொட்டிருக்கிறேன். பக்கா பேமிலி சப்ஜெக்டுடன் காமெடியை மிக்ஸ் செய்திருக்கிறேன். வழக்கமாக மாமியார் மருமகள் கதைகள் தான் சினிமாவில் வந்திருக்கிறது, ஜெயித்திருக்கிறது. மாமியார், மருமகன் கதைகள் அத்தி பூத்தாற்போல் வரும். அமோக வெற்றி பெறும். அப்படித் தான் இது உருவாக்கப்பட்டிருக்கிறது.

தினேஷுக்கு மாமியாராக நடிக்க வேண்டும் என்று தேவயானியிடம் கேட்டபோது தயங்கினார். முழு கதையையும் கேட்ட உடன் ஓ.கே. சொன்னார். அந்தளவுக்கு மாமியார் மருமகன் பிரச்சனையை இதில் கையாண்டிருக்கிறோம். ஜாலியான பொழுது போக்கு படமாக களவாணி மாப்பிள்ளை உருவாகி இருக்கிறது. படம் இம்மாதம் வெளியாகிறது. என்றார் இயக்குனர் காந்தி மணிவாசகம்.

• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...

• 
  மீண்டும் சிவா இயக்கத்தில் அஜித் நடிக்கிறாரா?
• 
  மகுடம் படத்தின் அப்டேட் தந்த விஷால்
• 
  பராசக்தி படத்திற்காக சிறப்பு கண்காட்சி
• 
  ரஜினி பிறந்தநாளில் “படையப்பா” ரிட்டர்ன்ஸ்
• 
  இண்டிகோ விவகாரத்தில் விமான ஊழியர்களை திட்டாதீர்கள் : சோனு சூட் ஆதரவு ...