மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
தமிழகத்தில், காவிரி உரிமைக்காக போராட்டம் நடந்து வரும் சமயத்தில், ஐபிஎல் கிரிக்கெட் போட்டி நடத்தக் கூடாது என தமிழ் சினிமா இயக்குனர்கள் எதிர்ப்பு தெரிவித்துள்ளனர்.
இயக்குனர்கள் பாரதிராஜா, அமீர், ஆர்.கே.செல்வமணி, வி.சேகர், நடிகர் சத்யராஜ் ஆகியோர் கூட்டாக இன்று செய்தியாளர்களை சந்தித்து பேசினர். அப்போது அவர்கள் கூறியதாவது:
காவிரி மேலாண்மை வாரியம் அமைக்க, அரசியல் சாயத்தை கலைத்துவிட்டு, தமிழனாக ஒன்று கூடுங்கள். ஐபிஎல் போட்டியை தள்ளி வைப்பதில் சட்ட சிக்கல் இருப்பதாக முதல்வர் கூறினார். ஐபிஎல் போட்டியை எதிர்த்து போராட்டம் நடத்தப்படும்.
காவிரி போராட்டத்தை திசைத்திருப்பவே ஐபிஎல் போட்டிகள் நடத்தப்படுகிறதா என்ற சந்தேகம் உள்ளது. காவிரிக்காக கட்சி அடையாளங்களையும், கொள்கைகளையும் தூக்கி எறிந்து விட்டு போராட வாருங்கள்.
நடிகர்கள் களத்தில் இறங்கி போராட முடியாது, அரசியல்வாதிகள் ஒருங்கிணைந்து போராட வேண்டும். எனக்கு அரசியல் ஆர்வம் இல்லை, தமிழக மக்களுக்காக தொடர்ந்து குரல் கொடுப்பேன். ஜல்லிக்கட்டு போராட்டத்திற்கு பிறகு இளைஞர்கள் ஒன்று திரண்டு போராடி வருகின்றனர். இந்த நேரத்தில் ஐபிஎல் போட்டிகளை நடத்தினால், அது இளைஞர்களை திசைத்திருப்பிவிடும்.
தேசிய கட்சிகள் ஆட்சியமைக்க முடியாததால், தமிழகத்தை குப்பைக் கிடங்காக மாற்றிவிட்டன. இந்தியாவிலேயே தமிழகத்தில்தான் அதிக போராட்டங்கள் நடைபெறுகின்றன. ஐபிஎல் போட்டியை ஒரு மணி நேரம் நிறுத்தினால் தமிழர்களின் ஒற்றுமை உலகம் முழுக்க தெரிய வரும். சூதாட்டம் ஆடிய சென்னை அணிக்கு உங்கள் ஆதரவு இருக்குமென்றால், விவசாயிகளுக்கு இருக்காதா?
நம்மிடையே ஒற்றுமை இல்லாததால் காவிரி போராட்டம் வெற்றியடையாமல் உள்ளது. நம் பக்கம் நியாயம் இருந்தும், கர்நாடகா அரசியல் கட்சியினரிடையே உள்ள ஒற்றுமை நம்மிடையே இல்லாமல் உள்ளது என்றார்.
உச்சநீதிமன்றத் தீர்ப்பை ஒரு அரசு மதிக்கவில்லை என்றால் அதற்கு என்ன சட்டம் இருக்கிறது. மாநிலம் முழுக்க சுற்றி வரும் ஆளுநர் இங்கு இருக்கும் பிரச்னைகளை கண்டுகொள்ளவில்லை என்றனர்.