மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
கோவாவில் வரும் 20ம் தேதி முதல் 28ம் தேதி வரை 48வது சர்வதேச இந்தியத் திரைப்பட விழா நடைபெற உள்ளது. இதில் திரையிடப்படுவதற்காக 26 படங்கள் தேர்வு செய்யப்பட்டுள்ளன. 9 மராத்தி மொழித் திரைப்படங்களும், 6 ஹிந்தித் திரைப்படங்களும், தெலுங்கிலிருந்து 'பாகுபலி 2', தமிழிலிருந்து 'மனுசங்கடா' ஆகியவையும் இதற்காகத் தேர்வாகியுள்ளன.
கன்னடம், கொங்கனி, அசாமி, மலையாளம், ஒரியா ஆகிய மொழிகளிலிருந்தும் படங்கள் திரையிடத் தேர்வு செய்யப்பட்டுள்ளன. தமிழில் தேர்வாகியுள்ள 'மனுசங்கடா' படத்தை அம்ஷன் குமார் இயக்கியுள்ளார். இந்தப் படம் இதற்கு முன்பு மும்பை திரைப்பட விழாவிலும் திரையிடப்பட்டுள்ளது.
90 நிமிடம் ஓடக் கூடிய இந்தப் படம் ஒரு தலித் இளைஞரைப் பற்றியக் கதையாக உருவாக்கப்பட்டுள்ளது. அம்ஷன் குமார் இதற்கு முன இயக்கிய 'ஒருத்தி' திரைப்படம் 2003ம் ஆண்டு நடைபெற்ற சர்வதேச இந்தியத் திரைப்பட விழாவில் திரையிடப்பட்டது.
இந்தத் திரைப்பட விழாவில் பிரதானத் திரைப்படங்களிலிருந்து 6 திரைப்படங்கள் திரையிடத் தேர்வாகியுள்ளன. இந்தப் பிரிவில்தான் 'பாகுபலி 2' படமும் இடம் பெற்றுள்ளது. மேலும் “ஜாலி எல்எல்பி 2 (ஹிந்தி), வென்டிலேட்டர் (மராத்தி), பூர்ணா (ஹிந்தி), மேக்னாட் போத் ரகஸ்யா (பெங்காலி) ஆகிய படங்களும் இந்தப் பிரிவில் இடம் பெற்றுள்ளன.