Dinamalar

மீண்டும் 'கத்தி' கூட்டணி

சினிமாவில் ஒரு கூட்டணி வெற்றிகரமாக அமைந்துவிட்டால், அந்த கூட்டணி மீண்டும் இணைவது வழக்கமான ஒன்றுதான். எம்ஜிஆர், சிவாஜி, ரஜினிகாந்த், கமல்ஹாசன் நடித்த படங்களில் இப்படிப்பட்ட வெற்றிக் கூட்டணிகளை அடுத்தடுத்து பார்க்கலாம்.

அப்படிப்பட்ட வெற்றிக் கூட்டணியை அஜித் - சிவா தொடர்ந்து கடைபிடித்து வருகிறார்கள். 'வீரம், வேதாளம், விவேகம்' என தொடர்ந்து கொண்டிருக்கிறது. விஜய்யும் இப்போது அந்த வெற்றிக் கூட்டணி பார்முலாவைத்தான் தொடர ஆரம்பித்துள்ளார்.

'தெறி' படத்திற்குப் பிறகு 'மெர்சல்' படத்தில் மீண்டும் அட்லீயுடன் இணைந்துள்ளார். அடுத்து 'துப்பாக்கி, கத்தி' படங்களுக்குப் பிறகு மீண்டும் ஏ.ஆர்.முருகதாஸுடன் இணைய உள்ளார். இது பற்றிய தகவல் கடந்த சில வாரங்களாகவே வந்து கொண்டிருக்கிறது. இந்தக் கூட்டணியில் இசையமைப்பாளர் அனிருத்தும் இணையப் போகிறார் என்பதுதான் சமீபத்திய தகவல்.

'கத்தி' கூட்டணியே இருந்தால் நன்றாக இருக்கும் என தயாரிப்பாளர்கள் தரப்பில் தெரிவிக்கப்பட்டுள்ளதாம், அதனால் முருகதாஸும் சரி என்று சொல்லிவிட்டார் என்கிறார்கள். முருகதாஸ் தற்போது இயக்கி வரும் 'ஸ்பைடர்' படம் செப்டம்பர் மாதம் வெளிவருகிறது. அந்தப் படத்தின் வேலைகளை முடித்ததும் விஜய் பட வேலைகளை அவர் ஆரம்பிக்க உள்ளாராம்.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  ரீ-ரிலீஸில் சாதனை படைத்த 'கில்லி'
• 
  'ராயன்' படத்திற்கு முன்பு 'குபேரா' டீசர்'
• 
  கோடை விடுமுறை வெளியீடுகள் ஆரம்பம் : மே 3ல் 5 படங்கள் ரிலீஸ்
• 
  ஸ்ருதிஹாசனின் இரண்டாவது காதல் பிரிவு? - காரணம் என்ன?
• 
  மே 10 ரிலீஸில் இணைந்த ரசவாதி