மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
சமூக வலைத்தளங்கள் இன்றைய திரையுலக நட்சத்திரங்களுக்கு 'புகழ்' சார்ந்த ஒரு விஷயமாக மாறிவிட்டது. அதன் மூலம் அவர்களது ரசிகர்களுடன் நேரடியாக கருத்துக்களைப் பரிமாறிக் கொள்ளலாம். இருந்தாலும் அனைவருமே அப்படி செய்வதில்லை. அதைத் தங்களைப் பற்றிய விளம்பரம் சார்ந்த ஒரு கருவியாகவே பார்க்கிறார்கள்.
சிலருக்கோ அது அந்தஸ்து, இமேஜ் சார்ந்த ஒரு விஷயமாகத் தெரிகிறது. தங்களை எத்தனை பேர் பாலோ செய்கிறார்கள். தாங்கள் பதிவிடும் கருத்துக்களை எத்தனை பேர் லைக் செய்கிறார்கள், எத்தனை பேர் அதை மீண்டும் பதிவிடுகிறார்கள் என்பது ஒரு அளவு கோலாகவே பார்க்கப்படுகிறது. சாதாரண மக்களே தங்களுக்கு எவ்வளவு லைக் வருகிறது எனப் பார்க்கும் போது, பிரபலங்கள், அதிலும் திரைப் பிரபலங்கள் பார்ப்பதில் என்ன தவறு இருக்கிறது.
தமிழ்த் திரையுலகத்தில் குறுகிய காலத்தில் முன்னணி ஹீரோக்களில், வியாபாரம் சார்ந்த ஹீரோக்களில் ஒருவராக முன்னேறியிருப்பவர் சிவகார்த்திகேயன். இவருக்கான நட்சத்திர அந்தஸ்து கிடைக்க முக்கியக் காரணம் யு டியூப் போன்ற வீடியோ, வலைதளங்கள்தான். அவருடைய டிவி நிகழ்ச்சிகள் அதில் மிக அதிகமாக பார்வையிடப்பட்டு அவரை ஒவ்வொரு மக்களிடமும் கொண்டு போய்ச் சேர்த்தது. அதை அப்படியே அழகாக அவர் பயன்படுத்திக் கொண்டார்.
டிவிட்டரில் அதிக பாலோயர்களை ஆரம்பத்திலிருந்தே பெற்று வந்த சிவகார்த்திகேயன் தற்போது 3 மில்லியன் பாலோயர்களைக் கடந்துள்ளார். நடிகர்களில் இதற்கு முன் தனுஷ், ரஜினிகாந்த் ஆகியோர் மட்டுமே 3 மில்லியன் பாலோயர்களைக் கடந்துள்ளார்கள். அவர்களுக்கு அடுத்து இப்போது சிவகார்த்திகேயன் 3வது இடத்தைப் பிடித்துள்ளார்.
தனுஷ் 4.74 மில்லியன், ரஜினிகாந்த் 3.87 மில்லியன் பாலோயர்களை வைத்துள்ளார்கள். நடிகைகளில் சமந்தா 3.8 மில்லியன், த்ரிஷா, 3.49 மில்லியன், இசையமைப்பாளர்களில் ஏ.ஆர்.ரகுமான் 14.2 மில்லியன், அனிருத் 3.04 மில்லியன் பாலோயர்களை வைத்துள்ளார்கள்.