மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
வாசுவும் சரவணனும் ஒன்னா படிச்சவங்க, யட்சன், இஞ்சி இடுப்பழகி, பெங்களூர் நாட்கள் என வரிசையாக ஆர்யா நடித்த படங்கள் தோல்வியடைந்து வந்ததால், வழக்கமான காதல் காமெடி பேட்டனில் இருந்து விடுபட்டு தற்போது கடம்பன் படத்தில் பழங்குடி இனத்தவராக நடித்துள்ளார். இந்த படத்திற்காக தனது உடல் எடையை 90 கிலோவுக்கு மேல் அதிகப்படுத்தி நடித்தார். முக்கியமாக பாங்காங் நாட்டு யானைகளுடன் நடித்துள்ளார்.
அதையடுத்து அமீர் இயக்கத்தில் சந்தனத்தேவனில் நடிக்கிறார். இந்த படத்தில் மாடு பிடி வீரராக நடிக்கும் ஆர்யா, தற்போது தனது உடல் எடையை குறைத்து வருகிறார். அதோடு மாடு பிடி வீரராக நடிப்பதால், அதுகுறித்து ஓரளவு பயிற்சி எடுத்துக்கொண்டு களமிறங்குகிறாராம் ஆர்யா. இந்த படத்தில் நடித்து முடித்த தும், சுந்தர்.சியின் சங்கமித்ராவில் நடிக்கிறார். இதே படத்தில் இன்னொரு ஹீரோவாக நடிக்கும் ஜெயம்ரவியைப்போன்று ஆர்யாவும் ஹல்க் தோற்றத்திற்கு உடல்கட்டை மாற்றப்போகிறாராம்.
ஆக, கடம்பனுக்காக சில மாதங்கள் ரிஸ்க் எடுத்து உடல்கட்டை மாற்றிய ஆர்யா, இப்போது சந்தனத்தேவனுக்காக வெயிட் குறைக்கிறார். அடுத்தபடியாக சங்கமித்ராவுக்காக மீண்டும் வெயிட்டை போடுகிறார். அந்த வகையில், இந்த மூன்று படங்களுக்காகவும் ரொம்பவே மெனக்கெடும் ஆர்யா, இனிமேல் இதேபோன்று வித்தியாசமான கதைகளை தேர்வு செய்து ஒவ்வொரு படத்திற்காகவும் ரிஸ்க் எடுக்க தயாராக இருக்கிறாராம்.