விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை | 'லயன் கிங்' அடுத்த பாகம் தயாராகிறது: டிசம்பரில் ரிலீஸ் | ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு |
சுந்தரம், ராஜூசுந்தரம், பிரபுதேவா ஆகிய மாஸ்டர்களிடம் உதவியாளராக 15 ஆண்டுகளுக்கு மேலாக பணியாற்றி விட்டு, சுமார் 60 படங்களுக்கு மேல் நடன மாஸ்டராக ஒர்க் பண்ணியவர் ரமேஷ் கமல். இவர், தமிழ் சினிமா நடிகர்களின் விஜய்தான் சிறப்பாக நடனமாடக்கூடியவர் என்கிறார்.
அவர் மேலும் கூறுகையில், எல்லா நடன மாஸ்டர்களையும் போலவே, தமிழ் சினிமாவின் முன்னணி ஹீரோக்களான விஜய், அஜீத், சூர்யா, விக்ரம், சிம்பு, தனுஷ், சிவகார்த்திகேயன், விஜயசேதுபதி போன்ற நடிகர்களின் படங்களுக்கு நடனம் அமைக்க வேண்டும் என்பதுதான் எனக்கும் ஆசையாக உள்ளது. அதற்கான முயற்சிகளில் ஈடுபட்டிருக்கிறேன்.
அதேசமயம், ராஜூசுந்தரம், பிரபுதேவா மாஸ்டர்களிடம் உதவி நடன மாஸ்டராக பணியாற்றியபோது விஜய், அஜீத் என எல்லா முன்னணி நடிகர்களிடமும் இணைந்து பணியாற்றியிருக்கிறேன். குறிப்பாக, விஜய் நடித்த குஷி, துள்ளாத மனமும் துள்ளும், யூத், பத்ரி என 20 படங்களுக்குமேல் அவருடன் பணியாற்றியிருக்கிறேன். அந்த வகையில், எந்த மாதிரியான நடன அசைவுகள் கொடுத்தாலும் ஆடக்கூடியவர் விஜய். இந்த மாதிரியெல்லாம் என்னால் ஆட முடியாது என்று அவர் சொன்னதே இல்லை. எந்த மாதிரி மூவ்மெண்ட் கொடுத்தாலும் சிறிது நேரம் நின்று பார்ப்பவர், மறுநிமிடமே அப்படியே ஆடிக்காட்டுவார். தமிழ் சினிமாவில் சிறப்பாக நடனமாடக்கூடிய ஹீரோ என்றால் அவரைத்தான் சொல் வேன். அதற்காக மற்ற நடிகர்களை குறைத்து மதிப்பிடக் கூடாது. அஜீத், சூர்யா என ஒவ்வொருவரும் அவரவர் பாணியில் சிறப்பாகவே நடனமாடுகிறார்கள்.
மேலும், நான் சினிமாவில் பிசியாக நடனம் அமைத்து வந்தபோதும், நாட்டியாலயா என்றொரு நடனப்பள்ளியை நடத்தி வருகிறேன். என்னிடம் நடனம் பயின்று இதுவரை 50-க்கும் மேற்பட்ட ஹீரோக்கள் தமிழ் சினிமாவிற்குள் வந்திருக்கிறார்கள். இந்த பள்ளியில் போக், வெஸ்டர்ன், சல்சா உள்ளிட்ட அனைத்து நடனங்களையும் பயிற்சி கொடுக்கிறேன். எனது மகன் கமல் இந்த பள்ளிக்கு வரும் நடிகர் நடிகைகளுக்கு நடன பயிற்சி கொடுத்து வருகிறார் என்கிறார் நடன மாஸ்டர் ரமேஷ்கமல்.