மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
எல்லா அம்சங்களும் நிறைவாக இருந்தும் ஒளிப்பதிவு சரியில்லாமல் படு தோல்வி அடைந்த படம் ராஜமுக்தி. லட்சுமிகாந்தன் கொலை வழக்கில் சிறைக்கு சென்று விட்டு வந்த பாகவதர் தயாரித்து நடித்த படம் இது. அவருக்கு ஜோடியாக பானுமதி நடித்தார். ராஜா சந்திரசேகர் இயக்கினார், சி.ஆர்.சுப்புராமன் இசை அமைத்திருந்தார். பாண்டுரங் நாயக் மற்றும் சுரேந்திரா பாய் ஒளிப்பதிவு செய்திருந்தனர்.
சிறையில் இருந்து வந்த பாகவதர் இந்தப் படத்தில் சில புதுமைகளை செய்ய முயன்றார். அப்போது ஹீரோயின்களை தொட்டு நடிப்பது புதிய பேஷனாகியிருந்தது. ஆனால் இந்தப் படத்தில் ஹீரோயின் பானுமதியை தொடாமல் நடித்தார். தொட்டு நடிப்பதற்கு ஒரு ஜோடி வேண்டும் என்பதற்காக எம்.ஜி.ஆர், வி.என் ஜானகி ஜோடியை வைத்திருந்தார். தன்னை சிறைக்கு தள்ளிய தமிழ்நாடு பிடிக்காமல் புனேவில் உள்ள ஸ்டூடியோக்களில் படபிடிப்பு நடத்தினார்.
ஒளிப்பதிவாளர்கள் சிறப்பாக பணிபுரிந்தும், மும்பையில் நடந்த பிரிண்ட் பிராசசில் பிரிண்ட் சரியாக அமையவில்லை. பாதி காட்சிகள் இருட்டில் நடப்பது போன்று அமைந்து தெளிவில்லாமல் போய்விட்டது. பாகவதரின் பாடல்களும் சரியாக ஒலிப்பதிவாகாமல் போய்விட்டது. இதன் காரணமா படம் படுதோல்வி அடைந்தது. பாகவதர் படங்களில் தோல்வி அடைந்த படம் இது ஒன்றுதான்.