மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
சினிமா நட்சத்திரங்கள் சுதந்திர போராட்ட காலத்தில் ஆங்கில அரசுக்கு எதிராக படங்கள் எடுத்தார்கள், பாட்டு பாடினார்கள். ஆனால் போராட்டத்தில் கலந்து கொண்டு சிறைத் தண்டனை பெற்றவர்கள் ஒரு சிலரே. அவர்களில் முக்கியமானவர் கண்டசாலா. வெள்ளையனே வெளியேறு போராட்டத்தில் நேரடியாக பங்கேற்று 18 மாதங்கள் சிறைத் தண்டனை பெற்றார்.
ஆந்திர மாநிலத்தின் ஏழ்மையான குடும்பத்தில் பிறந்த கண்டசாலா முறைப்படி இசை கற்று பின்னணி பாடகர் ஆனார். சொர்க்க சீமா என்ற தெலுங்கு படத்தில் முதன் முறையாக பாடினார். லக்ஸ்ஸமா என்ற தெலுங்கு படத்திற்கு முதன் முறையாக இசை அமைத்தார். பாதாள பைரவி, லவகுசா, மாயக்குதிரை உள்பட 100க்கும் மேற்பட்ட படங்களுக்கு இசை அமைத்துள்ளார். ஆயிரக்கணக்கான பாடல்களை பாடியுள்ளார். "அமைதியில்லாத மனமே...", "உலகே மாயம் வாழ்வே மாயம்...", "ஆஹா இன்ப நிலாவினிலே...", "நீதானா என்னை அழைத்தது..." உள்ளிட்ட காலத்தால் அழிக்க முடியாத கானங்களை தந்தவர்.
திரைப்படங்களை தாண்டியும் அவரது பணிகள் விரிந்திருந்தது. தென்னிந்திய இசை கலைஞர்கள் சங்கத்தை உருவாக்கினார். திருப்பதி திருமலை தேவஸ்தானத்தின் முதல் ஆஸ்தான இசை கலைஞராக இருந்தார். இளம் கலைஞர்களை ஊக்குவிக்க பல பயிற்சி பட்டறைகளை நடத்தினார். பத்மஸ்ரீ பட்டம் பெற்றார். குறுகிய காலத்தில் பெரும்புகழ் பெற்ற கண்டசாலா தனது 52வது வயதில் காலமானார். அவர் பிறந்த நாள் இன்று. அவர் இல்லாவிட்டாலும் அவர் பாடிய கானங்கள் காற்றில் கலந்து நம்மோடுதான் இருக்கிறது.