Dinamalar

திருப்பதியில் யுவனின் 2வது திருமணம் முடிந்தது : டாக்டரை மணந்தார்!!

பிரபல இசையமைப்பாளர் யுவன்சங்கர் ராஜா, சென்னையை சேர்ந்த டாக்டர் ஷில்பாவை இன்று(01.09.11) 2வது திருமணம் செய்தார். திருப்பதியில் நடந்த இந்த திருமணத்தில், இருவீட்டாரின் நெருங்கிய உறவினர்கள் மட்டும் கலந்து கொண்டனர். இசைஞானி இளையராஜாவின் 2வது மகன் யுவன் சங்கர் ராஜா. அப்பாவை போல் இவரும் இசையில் அசத்தி வருகிறார். தமிழில் முன்னணி இசையமைப்பாளராக இருக்கும் இவருக்கும் சுஜயா என்பவருக்கும் கடந்த 2005ம் ஆண்டு திருமணம் நடந்தது. ஆனால் இவர்களது திருமண வாழ்க்கை 2 ஆண்டுகள் மட்டுமே நீடித்தது. இருவருக்கும் இடையே ஏற்பட்ட கருத்து வேறுபாட்டால் 2008ம் ஆண்டு விவாகரத்து பெற்று பிரிந்தனர்.

இதன்பின்னர் சிலகாலம் தனிமையில் வாழ்ந்து வந்த யுவனுக்கு, சென்னையை சேர்ந்த டாக்டர் ஷில்பா என்பவரின் அறிமுகம் கிடைத்தது. ஆரம்பத்தில் நட்பாக பழகியவர்கள் பின்னர் காதலிக்கத் தொடங்கினார். மிக ரகசியமாக இருந்து வந்த இவர்களது காதலுக்கு, இருவரது பெற்றோரும் சம்மதம் தெரிவித்தனர். இதனையடுத்து இருவருக்கும் திருமணம் செய்ய முடிவெடுத்தனர். அதன்படி திருப்பதியில் இன்று (01.09.11) காலை யுவன்சங்கர் ராஜாவுக்கும், ஷில்பாவுக்கும் திருமணம் நடந்தது. இந்த திருமணத்தில் யுவனின் தந்தை இளையராஜா மற்றும் நெருக்கமான உறவினர்கள் மட்டும் கலந்து கொண்டனர். நடிகர்கள் பிரேம்ஜி, கிருஷ்ணா, வைபவ், பஞ்சுசுப்பு, சிவா, இயக்குனர் வெங்கட்பிரபு, இசையமைப்பாளர் கார்த்திக் ராஜா, பவதாரணி உள்ளிட்ட பலர் நேரில் வாழ்த்தினர்.

திருமண வரவேற்பு நிகழ்ச்சி சென்னையில் உள்ள நட்சத்திர ஓட்டலில் நாளை(02.09.11) நடக்க இருக்கிறது.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  ரீ-ரிலீஸில் சாதனை படைத்த 'கில்லி'
• 
  'ராயன்' படத்திற்கு முன்பு 'குபேரா' டீசர்'
• 
  கோடை விடுமுறை வெளியீடுகள் ஆரம்பம் : மே 3ல் 5 படங்கள் ரிலீஸ்
• 
  ஸ்ருதிஹாசனின் இரண்டாவது காதல் பிரிவு? - காரணம் என்ன?
• 
  மே 10 ரிலீஸில் இணைந்த ரசவாதி