Dinamalar

வாலு முதலாம் ஆண்டை கொண்டாடும் ரசிகர்கள்

சிம்பு, ஹன்சிகா மற்றும் பலர் நடிக்க விஜய் சந்தர் இயக்கத்தில் கடந்த ஆண்டு இதே தினத்தில் வெளிவந்த படம் 'வாலு'. இந்தப் படம் வெளிவந்து இன்றுடன் ஒரு வருடம் ஆனதை முன்னிட்டு சிம்புவின் தீவிர (?) ரசிகர்கள் படத்தின் முதல் வருடக் கொண்டாட்டத்தை சமூக வலைத்தளங்களில் கொண்டாடி வருகிறார்கள். பொதுவாக நன்றாக ஓடும் படங்களுக்கும் அல்லது வரவேற்பு பெற்ற படங்களுக்கும்தான் இது போன்ற மீண்டும் நினைவு கொள்ளும் கொண்டாட்டங்கள் நடைபெறும். ஆனால், மூன்று வருடங்களுக்கும் மேலாக படமாக்கப்பட்டு பல பிரச்சனைகளால், மிகவும் தாமதமாக கடந்த ஆண்டு இந்தப் படம் வெளிவந்தது.

இந்தப் படத்தின் படப்பிடிப்பு நடக்கும் போதுதான் சிம்புவும், ஹன்சிகாவும் காதலில் விழுந்தனர். ஆனால், படம் வெளிவருவதற்குள்ளாகவே அவர்களது காதல் முறிவை சந்தித்தது. இருந்தாலும் ஒரு பாடல் எடுக்க வேண்டிய சூழ்நிலையில் ஹன்சிகா காதல் முறிவையும் பெரிதுபடுத்தாமல் வந்து நடித்துக் கொடுத்து போனார். எப்படியோ ஒரு வழியாக வெளிவந்த படம் ஒரு வாரம் கூட தாக்குப் பிடிக்க முடியாமல் தோல்வியடைந்தது.

சிம்பு நடித்து இதுவரை வெளிவந்த படங்களிலேயே திரும்பவும் நினைத்துப் பார்க்க வைக்கும் ஒரே படமாக இருப்பது 'விண்ணைத் தாண்டி வருவாயா' மட்டுமே. ஆனால், சிம்புவின் ஆர்வக் கோளாறு ரசிகர்களுக்கு ஓடாத படத்தையும் கொண்டாட வேண்டும் என்று சொல்லிக் கொடுத்தது யார் என்று தெரியவில்லை.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  மே 10 ரிலீஸில் இணைந்த ரசவாதி
• 
  நடிகர் சங்கத்திற்கு நெப்போலியன் ஒரு கோடி நிதி
• 
  ரெட்ட தல படப்பிடிப்பு துவங்கியது
• 
  எவரெஸ்ட் சிகரத்திற்கு டிரக்கிங் சென்ற ஜோதிகா
• 
  போட்டோ சூட் நடத்திய நிறைமாத கர்ப்பிணி அமலா பால்