நான்கு மொழிகளில் ரீமேக்காகும் ஹிட் தொடர் | அந்தமானுக்கு ஹனிமூன் சென்ற சுவாசிகா - பிரேம் ஜாக்கப் | ஒரே வருடத்தில் எண்ட் கார்டு போட்ட ஹிட் சீரியல் : ரசிகர்கள் வருத்தம் | அமரன் படத்தின் இறுதிகட்ட படப்பிடிப்பு விறுவிறுப்பு | வீர தீர சூரன் படத்தில் மூன்று தோற்றத்தில் நடிக்கும் விக்ரம் | ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? |
சினிமா உலகில் அறிவிக்கப்படும் கட்டுப்பாடுகள் அதிகநாட்கள் பின்பற்றப்படுவதில்லை. குறிப்பாக, யார் கட்டுப்பாட்டை விதிக்கிறார்களோ... அவர்களே சில நாட்கள் கழித்து அந்தக்கட்டுப்பாட்டை மீறிவிடுகிறார்கள். அதனால் சினிமா உலகில் உள்ள அமைப்புகள் அறிவிக்கும் கட்டுப்பாடுகளை யாருமே மதிப்பதில்லை. குறிப்பாக முன்னணி தயாரிப்பாளர்கள், முன்னணி நடிகர்களை வைத்து படம் எடுப்பவர்கள் சட்டை பண்ணுவதில்லை.
அண்மையில் இசையமைப்பாளர் எம்.எஸ்.வி. மறைந்த அன்று அனைத்து படப்பிடிப்புகளும் ரத்து செய்வதாக அறிவிக்கப்பட்டது. ஆனால் சி.வி.குமார் தயாரிப்பில் கார்த்திக் சுப்பாராஜ் இயக்கும் இறைவி படத்தின் படப்பிடிப்பு கனஜோராக நடைபெற்றது. அதன் பிறகு இப்றாகிம் ராவுத்தர் இறந்த அன்று படப்பிடிப்பு ரத்து செய்யப்படுவதாக அறிவிக்கப்பட்டது. அன்றைக்கும் இறைவி படப்பிடிப்பு ரத்து செய்யப்படவில்லை.
இந்நிலையில் கடந்த சில நாட்களாக தொழிலாளர்களின் சம்பளப்பிரச்சனை காரணமாக வேலைநிறுத்தம் செய்வதாக அறிவித்தது தயாரிப்பாளர் சங்கம். அவர்களது அறிவிப்பின்படி எந்தப் படத்தின் படப்பிடிப்பும் நடைபெறாது. ஆனால் வீரம் சிவா இயக்கத்தில், அஜித் நடித்து வரும் தல 56 படத்தின் படப்பிடிப்பு மட்டும் தொடர்ந்து நடைபெற்று வந்தது. இன்றைக்கு அப்துல்கலாம் இறப்பை ஒட்டி படப்பிடிப்பு ரத்து என அறிவிக்கப்பட்டுள்ளது. இன்றும் தல 56 படத்தின் படப்பிடிப்பு நடைபெற்று வருகிறது.