'ராயன்' படத்திற்கு முன்பு 'குபேரா' டீசர்' | கோடை விடுமுறை வெளியீடுகள் ஆரம்பம் : மே 3ல் 5 படங்கள் ரிலீஸ் | ஸ்ருதிஹாசனின் இரண்டாவது காதல் பிரிவு? - காரணம் என்ன? | மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் |
மெல்லிசை மன்னர் எம்.எஸ்.விஸ்வநாதன், உடல்நிலை மீண்டும் கவலைக்கிடமாகியுள்ளது. காலத்தால் அழியாத பல ஆயிரம் பாடல்களை தந்தவர் எம்.எஸ்.விஸ்வநாதன். 87 வயதான விஸ்வநாதன், உடல்நலக்குறைவால் இரு வாரங்களுக்கு முன்னர் சென்னை, அடையாறில் உள்ள தனியார் மருத்துவமனையில் அனுமதிக்கப்பட்டார். வயது முதிர்வு மற்றும் மூச்சு திணறல் காரணமாக மருத்துவமனையில் சிகிச்சை பெற்று வந்த விஸ்வநாதனின் உடல், கொஞ்சம் கொஞ்சமாக சீரானது. ஆரம்பத்தில் ஐசியூவில் அனுமதிக்கப்பட்டிருந்தவர் பின்னர் சாதாரண வார்டுக்கு மாற்றப்பட்டார். இசையமைப்பாளர் இளையராஜா கூட அவரது உடல்நிலை குறித்து நேரில் சென்று நலம் விசாரித்தார்.
எம்.எஸ்.வி.யின் உடல்நிலை சீரானதால் அவரை வீட்டுக்கு அழைத்து செல்லலாம் என அவரது குடும்பத்தார் முடிவு செய்திருந்தனர். இந்நிலையில் அவரது உடல்நிலை இன்று மீண்டும் மோசமானது. இதனையடுத்து அவர் மீண்டும் தீவிர சிகிச்சை பிரிவுக்கு மாற்றப்பட்டார். டாக்டர்கள் தொடர்ந்து எம்.எஸ்.வி.யை தீவிரமாக கண்காணித்து வருகின்றனர்.